0
0
〈娛樂乜乜乜〉最嚴重的中港矛盾︰陳偉霆

〈娛樂乜乜乜〉最嚴重的中港矛盾︰陳偉霆

〈娛樂乜乜乜〉最嚴重的中港矛盾︰陳偉霆

【Now.com娛樂】陳偉霆又有新作讓大家盡情討論,而且佢一於唔俾大家抖下,一嚟就兩單。先有《阿拉丁》國語主題曲〈新的世界〉,他與內地歌手張碧晨合唱,這首經典屬於大家耳熟能詳級別,對它有一定要求的高度。不過當陳偉霆一發聲,那把強擠出來的聲線,以及不知因由的氣聲演繹,是令人聽得不爽的,加上中段張碧晨加入,標準的迪士尼歌者演繹,完全是重擊地將William比下去。

笑佢唱歌?唔唱囉!講英文又點?緊接網上分享了他為CHANEL系列腕表J12拍的短片,45秒間全英文的自問自答,努力地說出一份自信,亦嘗試營造出談笑風生的自然,只是港式英文口音太牢固,無論發音、停頓位,甚至無語言界線的笑聲,都俾網民逐一針對。係,香港人未必個個都講得出一口流利英語,但就個個都識品評點先算一口流利英語。

陳偉霆一分鐘都唔夠嘅英語自問自答,已夠大家笑翻了半天,性價比非常高。

陳偉霆在香港出道,以歌手論,他唱功確實麻麻,舞技亦只屬不過不失,加上疑似加工過的尊容,樣樣加埋,成就佢擁有天生便得罪香港人的特質,做咩都錯。無癮,被公司放逐到內地,焉知非福,走紅了,而且仲係大紅!當這邊廂被視為垃圾,那邊廂竟視自己為國寶,你係陳偉霆你都識揀留邊度發展,聆聽那一邊的說話。當大家從祟優的角度出發,陳偉霆被淘汰了,但轉個頭就在內地走紅,這正正是中港文化差異的最佳指標,兩地的品味是有著一條鴻溝。

香港人對陳偉霆係咪特別苛刻?起初的評價其實很中立,唱得唔夠好,跳得唔夠精,自然要受到批評,試問古天樂當日受得少咩?麥浚龍的恥笑聲又細得過你咩?重點係,你有冇本事他朝一日可以「撥亂反正」,將你首〈Taxi〉平反到成〈今期流行〉級數,摑大家一巴掌。但來到這一刻,陳偉霆仍處於一出場,大家就想搵嘢嚟笑地步,難得地佢又非常「爭氣」,每有新作都有值得人「賞識」的地方,就似今次首〈阿拉丁〉主題曲,根本就係破壞經典的示範,點都爭唔落。

網民形容他的演繹叫「斷氣式」,個人覺得是最佳的客觀陳述。

坊間有句話,的士是市道的寒暑表,市道好定壞問下的士司機生意好唔好就一清二楚,而「的士陳」就正正將的士司機這份天職帶上中港矛盾的測量處,兩地文化差異正在擴闊還是收窄,睇睇喺香港多咗定少咗人笑陳偉霆就心中有數。

陳偉霆 張碧晨〈新的世界〉:

【陳偉霆】THE NEW J12《CHANEL》:

文:余建

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

余建FB專頁::https://www.facebook.com/Stupid.View
  1. 更多
  1. 高院批准胡志偉在特定時間保釋外出赴父親喪禮
    高院批准胡志偉在特定時間保釋外出赴父親喪禮
    1小時前
  2. 陳茂波:中央支持香港融入大灣區發展 突破外國圍堵
    陳茂波:中央支持香港融入大灣區發展 突破外國圍堵
    7分鐘前
  3. 【中國評論】雲南領導緊急應對環保批評/職訓電子券
    【中國評論】雲南領導緊急應對環保批評/職訓電子券
    28分鐘前
  4. 英國地方選舉投票結束 工黨黨魁指若表現令人失望會負責
    英國地方選舉投票結束 工黨黨魁指若表現令人失望會負責
    50分鐘前
  5. 日本擬延長四都府縣緊急事態宣言 擴大至福岡縣愛知縣
    日本擬延長四都府縣緊急事態宣言 擴大至福岡縣愛知縣
    47分鐘前
  6. 柴灣興華二邨豐興樓260戶住客須強檢 早上仍未解封
    柴灣興華二邨豐興樓260戶住客須強檢 早上仍未解封
    51分鐘前
  7. 【5月7日疫情速報】(11:00)
    【5月7日疫情速報】(11:00)
    57分鐘前
  8. 【首都專線】被吊銷執照內地維權律師冀體制外繼續發揮作用
    【首都專線】被吊銷執照內地維權律師冀體制外繼續發揮作用
    1小時前
  9. 廣州針對已接種新冠疫苗人士 推出特別標誌健康碼
    廣州針對已接種新冠疫苗人士 推出特別標誌健康碼
    1小時前
  10. 潘烈文:體內抗體濃度高人士可縮短檢疫期
    潘烈文:體內抗體濃度高人士可縮短檢疫期
    1小時前