【Now.com生活】夏天咁熱成日會長時間喺冷氣地方避下暑，一唔留神好易抽乾晒皮膚水份，所以敷Mask真係不可缺少嘅護膚工序！但唔少Mask嘅成分都係一啲化學物質，分分鐘弄巧反拙，令皮膚更差，不妨試下轉用成份較天然嘅面膜，更加清爽舒服，減輕皮膚負擔！ 最近新推出一隻嚟自韓國，由姜Gary代言嘅Wonder Tree天然面膜，唔好以為男人代言就流流哋，親身試完後至發現有驚喜！
面膜分三款； 紅參、玫瑰、馬油，適合所有肌膚類型。每塊面膜採用高級護膚步驟，包裝劃分出幾個步驟，為用家提供爽膚水／卸妝／面霜配合面膜用。呢個設計於日常用可能無甚作為，不過出外旅行就大大加分！因為帶塊面膜就搞掂晒，唔使拎大包小包試用裝。
小編用後感
整體感覺：一試上面覺得面膜布質舒服，有彈性，容易貼面，而且香氣自然清新，唔覺得有化學成分嘅刺激氣味。面膜由100%天然材料製成，用後唔會出現「漂白」面。
馬油面膜：面膜提供卸妝棉配合使用，最啱化完成日妝，紓緩肌膚疲倦之用！面膜紙材料源於木炭，有助肌膚吸收營養，令馬油成分可以滲透肌膚，增添皮膚養分，恢復彈性，第日上妝更貼服、有光澤！
紅參面膜：一開就聞到會有淡淡參味。紅參出名抗皺功效好，刺激肌膚新陳代謝，有助真皮膠原蛋白增生，想望落Young啲、保持肌膚彈性就一定要試吓。
玫瑰面膜：夏天曬到紅卜卜，就可以試下敷佢！玫瑰花提取物可以鎮靜肌膚，令肌膚回復柔軟彈性！敷完皮膚明顯減紅，適合泛紅、發炎肌膚。而且，取下面膜後唔會有黏膩感覺，精華好快就吸收晒！
產品提供：網購平台Slash、韓國護膚品牌WonderTree
