0
0
〈娛樂乜乜乜〉情場裡比賽 猶如世界盃

〈娛樂乜乜乜〉情場裡比賽 猶如世界盃

【Now.com娛樂】等咗四年嘅世界盃今晚終於開鑼,球迷梗開心啦,就算平時唔睇開波,做吓四年一次球迷都爽歪歪呀!不過有人歡喜自然有人愁,做生意嘅,除咗馬會、賣波衫、開酒吧等同足球有關周邊行業外,其他都應該知道要守一守。事關世界盃威力太強,甚至強過奧運(除非有香港運動員攞牌啦,呢度就係咁現實),就好似新年咁,係一個節日,只係無假放啫,幾乎所有人都沉醉在世界盃氣氛當中。

除非撞到正夜晚要返工,否則捱眼瞓睇都好值得,每屆都係咁,聽得最多嗰句一定係:「吓?四年一次你唔睇?」好似好奉旨咁,但其實又啱喎,唔睇錯失嘅唔止係一場波,仲係第二日嘅話題。一返到公司個個同事一係講緊噚晚場波,一係捱完夜偷偷地瞓緊覺,上Facebook又係洗晒版,講其他嘢都無人理,講完噚晚嗰場就講今晚嗰場。人人都變成專家,邊隊有咩人著幾號波衫踢咩位,仲熟過股票冧把,梗係啦全日就喺度吸收同惡補足球知識!上屆連越位係乜都未知,今屆已經可以教返人,幾威。

在咁嘅氛圍底下,其他行業都幾難撈,放工就買定嘢食返屋企等睇波,食完飯有空檔就玩陣FIFA,根本冇時間冇心情去shopping,零售業靜過乜。消費行業都慘,邊個仲得閒去睇戲?唱K反而可以考慮,有波睇呀!所以娛樂界都好明白,世界盃就係行業嘅寒冬,所以大型演唱會、重點電影、歌手出碟宣傳等等,如果同足球冇關,都盡量避開唔想撞期。做娛樂新聞就最坎坷,出面活動都唔多搞,邊有料返?但你又唔可以冇稿出,於是就會出現一啲好奇怪嘅新聞,一係你睇完都唔知係邊個但都做到頭條,一係就好離奇,可信程度極低嘅創作新聞。

就好似一對共過患難,好辛苦捱出頭打算結婚嘅男女藝人,陳家樂同余香凝,突然會話女嘅偷食,仲分埋手。男嘅叫做入到屋,正係需要keep住人氣嘅時候,女嘅未紅,嚟緊想唱歌,呢段感情都係佢哋嘅talking point,但世界盃殺到嚟,差不多成個月冇人理,真係可以唔記得佢哋㗎,咁你話係咪要做啲嘢引人注意呢?如果一個女仔肯同男嘅捱咁耐,遲唔偷食早唔偷食,一捱出成績就飛佢,咁佢都真係幾鍾意捱。

其實呢招好老土喇,但英皇又真係幾沉迷玩呢啲,同公司又好唔同公司又好,玩緋聞有效又慳水慳力。Mani咁回應:「分手都唔係壞事。」直頭係好事啦,冇事發生先係壞事嘛!好老實英皇藝人在感情上面嘅信譽,對我嚟講係零,十次有八次都係流料,堅嗰啲會好緊張開記招。如果唔係世界盃,佢哋都會分手同復合嘅,只係搵過第二個timing啫。今個月大家齊齊睇波,情海翻波,都係波,啱睇啦。

 

魯連FB專頁::https://www.facebook.com/lolinhk
  1. 更多
  1. 書展開幕 有市民通宵排隊等候入場
    1小時前
  2. 美國會議員阻止放寬對華為禁令
    1小時前
  3. 德國前防長當選下任歐盟委員會主席
    1小時前
  4. 解放軍最強武裝直升機在高原實彈演習
    1小時前
  5. 香港示威者當選時代雜誌互聯網25大最具影響力人物
    3小時前
  6. 【晨早新聞重點】(7月17日)
    3小時前
  7. 【報章A1速覽】市民投訴 促新城市廣場交代放警入場;零售業料暑期生意雙位數下跌
    4小時前
  8. 中環德輔道中爆地底水管交通受阻
    4小時前
  9. 美股下跌 因特朗普再威脅對中國開徵關稅
    4小時前
  10. 特朗普稱低利率將助刺激美股
    4小時前