0
0
〈娛樂乜乜乜〉又拍《衝上雲霄》 但卡士不似預期

〈娛樂乜乜乜〉又拍《衝上雲霄》 但卡士不似預期

〈娛樂乜乜乜〉又拍《衝上雲霄》 但卡士不似預期

【Now.com娛樂】香港影視娛樂博覽已去到尾聲,來年有咩新搞作都已經講得七七八八,而這些推介會,除了可預視一、兩年會有咩新製作外,最好睇反而係各大公司如何吹噓自己會拍乜拍物?好多都是一吹即逝,又有啲一吹就令人眉頭猛皺。

今年皺得最厲害的,一定係TVB又話拍《衝上雲霄》,並暫定這個第三部曲叫《衝上雲霄2020》。有無原班人馬Sam哥同Cool魔呢?前者唔知,後者機會近乎零,因為Chilam經理人公司仲同TVB有爭拗,有排未搞掂。兩大台柱都無,搵咩落鑊好?首先落錢!未開拍,已宣布會落重本用,花2億人民幣跟騰訊影業首次合作,製作這部新經典。2億,對大陸劇來說是等閒事,但對港劇而言就係巨資,前所未有。

資金到位,咁演員呢?既然兩位主角都未定實,TVB就先透露會全台精英盡出之餘,仲會聯同內地演員合作,聽講現時在內地走紅的迪麗熱巴,以及楊冪都榜上有名,而陳偉霆及Angelababy這對前緋聞男女都有機會參與,勢要將這部新經典再闖一次高峰。

但聽見這個演員班底吸唔吸引呢?對唔住,真係提唔起興趣,一部經典劇集,唔係有幾多錢做投資,去幾多個國家取景就會好睇,講到尾都係演員加劇本的表現最為重要。還記得第一集《衝上雲霄》,由Sam哥的工作到愛情線到家庭,都寫得相當好睇,而一眾新丁的吳卓羲、陳鍵鋒、葉璇都有青澀的感覺。去到第二輯,老老實實已經有點空洞,幸得有個Cool魔出來Chok下,才帶來話題性。

無論套劇還是首主題曲,都叫人刻骨銘心。
第二集有Cool魔出現,算是劇中最大亮點。
有時卡士都唔代表一切,當日《衝上雲霄》電影版,故事爛得就叫人看得忟憎。

來到第三輯,暫時牌面已經弱弱的,然後仲話要加內地演員演出,令一部香港經典劇,再一次陷入尷尬局面。「卡士不似預期 但要錢 總要飛」為取得騰訊的投資,明知難為都要頂硬上,將該劇孤注一擲。

文:余建

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 林鄭:修訂電檢條例指引不會扼殺表達自由
    林鄭:修訂電檢條例指引不會扼殺表達自由
    1小時前
  2. 林鄭對批評同樂會言論遺憾 指不接受分化社會言論
    林鄭對批評同樂會言論遺憾 指不接受分化社會言論
    5分鐘前
  3. 政府決定全體公務員今年度再凍薪
    政府決定全體公務員今年度再凍薪
    6分鐘前
  4. 梁榮武:本港輻射水平正常 惰性氣體適當處理後可排放
    梁榮武:本港輻射水平正常 惰性氣體適當處理後可排放
    12分鐘前
  5. 消委會測試止汗及體香劑 除味理想惟止汗表現參差
    消委會測試止汗及體香劑 除味理想惟止汗表現參差
    13分鐘前
  6. 美國諾瓦瓦克斯新冠疫苗利用夜蛾誘發免疫反應
    美國諾瓦瓦克斯新冠疫苗利用夜蛾誘發免疫反應
    31分鐘前
  7. 北約峰會公報將中國列為「系統性挑戰」 中方:詆毀中國和平發展
    北約峰會公報將中國列為「系統性挑戰」 中方:詆毀中國和平發展
    40分鐘前
  8. 染變種病毒印裔男及菲籍女子涉瞞行蹤案 下周一再訊
    染變種病毒印裔男及菲籍女子涉瞞行蹤案 下周一再訊
    54分鐘前
  9. 消委會:多間酒店未計劃若有確診者入住的應變措施
    消委會:多間酒店未計劃若有確診者入住的應變措施
    54分鐘前
  10. 消委會接多宗Staycation投訴 有寵物友善酒店不接待貓隻
    消委會接多宗Staycation投訴 有寵物友善酒店不接待貓隻
    1小時前