【now.com娛樂】將於周五(29日）37歲生辰的壽星女陸詩韻，近年要在商界、螢幕兩邊走，繼早前接拍電影《霸王花2之不義之戰》後，日前又開拍由田啟文（田雞）監製的網絡大電影《如珠如寶》，首度跟內地女星徐佳琦、周殷廷等合作。陸詩韻今次在戲中飾演江湖大家姐角色，造型似足60年代著名影星陳寶珠，「其實好多化妝師都話我個樣似張可頤，之前張可頤扮寶珠姐扮到街之巷聞，我估自己都會有少少似寶珠姐。」
提起首次拍網絡大電影，陸詩韻自言被國語對白考起，在拍攝期間更不慎「爆粗」，令到監製及其他演員啼笑皆非，她說：「第一次用全國語演戲，對自己來說真係很大挑戰，因為自己的國語一般，最難忘有一場戲我要講『干嗎』這個字，點知我講來講去都講唔正，變成國語粗口，搞到NG了好幾次，其他演員都忍唔住笑。」陸詩韻笑言經過今次拍攝，國語應該突飛猛進。
此外，陸詩韻透露今次第一次跟田雞合作，大讚對方非常專業，「田雞做監製每日都好勤力，由朝早七點拍到晚上十一點，就算食飯時段，他亦跟工作人員討論劇本，事事親力親為，而且好有急才，非常專業認真。」陸詩韻續說，希望透過今次拍攝成為接內地劇的踏腳石，問到她最想演甚麼角色，陸詩韻直言希望可以做「惡女」，「不需要做主角，但希望有一個突出的角色，例如做惡女、奸角等。」
