【now.com】今屆港姐唔算多負面新聞，想不到昨晚總選結束後才頻生是非。10A兼劍橋法律系畢業的麥明詩由入圍開始贏盡風頭，與她為舊同學的龐卓欣被指是其死敵，最後龐卓欣屈居亞軍。
麥明詩大熱當選，戴上后冠繞場一周後，根據以往傳統，眾佳麗都會一擁而上，圍著冠軍哭作一團，不過昨夜其餘11名佳麗自動分成兩派，分別祝賀亞軍和季軍，孤伶伶企在正中間的麥明詩就只得Do姐鄭裕玲和曾志偉上前握手，她唯有以笑遮醜，人緣似乎麻麻。
而11號落選佳麗楊苡汶昨夜在facebook打了一大篇文，她指是原先為了入選4強時會讀出的講稿，現在落選了唯有放上網講講感受。她先講述自己當護士的經歷，去到後半部分，她寫道：「確實我輸在起跑線上，我冇會考10個A，又唔識唱女高音，導演問我有咩才藝，我第一秒淨係諗到打針派藥，跳舞唱歌我全部唔識，但我努力，我唔會放棄。」擺明就是以十優生兼從小學習芭蕾舞、聲樂亦達八級的麥明詩做比喻。
楊苡汶的朋友更留言力撐好友話：「今次擺明做馬都畀一號啦！有錢有家低（底），你靠自己都去到咁後已經好叻女，成晚見你燦爛的笑容（令人開心嘅感覺）靚爆全場，你已經贏晒了 。」
11號落選佳麗楊苡汶。（facebook圖片）
楊苡汶打了一大篇感言。（facebook截圖）
（續）言行間似在暗寸麥明詩。（facebook截圖）
11名佳麗自動分成兩派，孤立麥明詩。（電視截圖）
Do姐上前與麥明詩握手。（題外話，唔講仲以為Do姐係眾佳麗之一啊！）（電視截圖）
輪到志偉握手。（電視截圖）
麥明詩好似想埋堆，不過冇人理。（電視截圖）
