【Viu】Louie賈思樂今日開記招宣布明年喺伊館開騷，特邀一眾好友「三哥」苗僑偉、「三嫂」戚美珍、黃日華、Monica陳法蓉、詹瑞文、Anne向海嵐，逐一上台向港人送上打氣說話，其中三哥、Anne更一度哽咽，場面感人！
久未露面嘅華哥受訪，表示專程嚟撐好友Louie，笑謂唔會上台做嘉賓，但會盡綿力捐款做善事！講及華哥同樣居住大埔，佢指宏福苑係出門嘅必經之路，每次見到心情都好沉重，事後明星足球隊有向大埔受災民眾捐贈100萬港元，亦希望日後可為協助災民回復正軌出一分力！
華哥又指已退出娛樂圈，自爆一直婉拒所有幕前演出工作，依家重心放足球上？會變足球教練？
Monica表示慧研雅集向香港消防處福利基金捐款100萬港元，與此同時，佢希望可以為市民提供心理援助服務。事關Monica指最近睇新聞都睇到情緒低落，加上自爆近期經歷人生低潮期，面對15歲愛犬突然離世、爸爸突然入院，受雙重打擊，情緒爆煲，眼紅紅表示幸獲蔡少芬夫婦、王愛倫、謝寧貼心照料，所以深明心理輔導嘅重要性！
