0
0
【十三短打】費Sir臉燶 老賀蘭開懷

【十三短打】費Sir臉燶 老賀蘭開懷

呢張係費Sir開波時個樣,冇耐就笑唔出啦。 (©AFP)

【Now Sports】曼徹斯特打吡,半場勝負大定,睇費格遜同賀蘭父親艾費賀蘭場邊嘅兩極反應,盡在不言中。

撰文:球十三

當賀蘭上半場4分鐘內起孖,將比數拉開到3:0,電視鏡頭已捕捉到觀眾席上嘅曼聯躉陸續嚟場,到底係提早撇定提早半場去小解,真係問佢哋至知,而鏡頭一轉睇見費格遜臉燶。又係嘅,點講曼聯都係佢心血,睇住隊波任人魚肉,冇辦法唔臉如死灰。

我諗佢記得領軍年代都俾曼城大炒(2011年10月輸1:6),不過當年隻紅魔大敗後好快翻到身,仲可以張牙舞爪;如今睇唔到隊波短期內有能力同人爭雄,你話防線唔夠嚴密又得,人哋快速one-two水銀瀉地亦得,總之冇得踢。

10季啦,佢退休後,隊波搞咁耐,使咁多錢都係唔夠死敵踢,人家興旺,自身衰微,一代球壇巨匠當然同曼聯躉一樣,心死。

大家都明曼聯今季大執位,係要時間變強,但心諗,仲要等幾耐?

同費Sir一樣臉燶嘅仲有基斯坦奴朗拿度,呢位失意萬人迷全場齋坐,或者佢都諗,隊波俾人K.O.,輸到咁唔落場好過。

當費Sir昔年麾下要將,前曼聯隊長堅尼半場波評話「唔敢相信曼聯咁差」,鏡頭就捕捉到當年俾佢「收山腳」踢到重創嘅艾費賀蘭四萬咁口。老賀蘭睇見個仔連中三元,即刻high晒同身邊嘅人擁抱。姑且唔好挑動上一代仇恨,淨係見囝囝如魚得水,破英超紀錄(連續3場主場戴帽,見另文)光耀門楣,大樂。

撰文:球十三

足球迷叫第十二人,冇偏愛,冷眼旁觀係十三。

  1. 更多
  1. 在內地擁有物業 公屋戶獲發遷出通知書
    在內地擁有物業 公屋戶獲發遷出通知書
    1小時前
  2. 首爾巴士司機就加薪同資方達成共識 結束約半天的罷工
    首爾巴士司機就加薪同資方達成共識 結束約半天的罷工
    56分鐘前
  3. 東九文化中心三色花海亮燈 吸引市民觀賞
    東九文化中心三色花海亮燈 吸引市民觀賞
    1小時前
  4. 新一期綠置居即日起接受申請 申請者:看好香港、無信心怎會入市
    新一期綠置居即日起接受申請 申請者:看好香港、無信心怎會入市
    1小時前
  5. 國防部稱在南海問題做好應對突發事件一切準備
    國防部稱在南海問題做好應對突發事件一切準備
    1小時前
  6. 孫玉菡高度關注畢架山長者命案 會主動接觸不同階層長者
    孫玉菡高度關注畢架山長者命案 會主動接觸不同階層長者
    1小時前
  7. 尖沙咀藥店「両變錢」誤導旅客 海關拘男店員
    尖沙咀藥店「両變錢」誤導旅客 海關拘男店員
    1小時前
  8. 港大5月1日起實施遊客分流措施
    港大5月1日起實施遊客分流措施
    1小時前
  9. 台北疑集體食物中毒個案增至19宗 當局仍未查清致病源頭
    台北疑集體食物中毒個案增至19宗 當局仍未查清致病源頭
    1小時前
  10. 日本未來一年將分七輪排放核污水
    日本未來一年將分七輪排放核污水
    2小時前