【Now Sports】英超煞科日，曼聯與韋斯咸雙雙為歐霸席位努力。最終曼聯雖然以1球作客敗陣予水晶宮，但韋斯咸同樣以1:3輸波，前者以2分之微力壓韋斯咸取得歐霸入場券。
周日來季歐霸盃參賽資格爭戰，賽前58分排在第6位的曼聯，作客對水晶宮對比賽必須贏波，才可守住第6位，結果客隊派出卡雲尼攻堅，配合艾蘭加及新人美治比任兩翼攻堅。
13分鐘卡雲尼小禁區門前埋門有點兒撻Q，但被古亞達救出；24分鐘艾蘭加右路出波，般奴費蘭迪斯來遲一步未能將皮球送入網窩。水晶宮隨後慢慢取回優勢，要迪基亞作連番撲救，結果36分鐘般奴交後卻落在韋費特沙夏腳下，後者在兩名守衞看管下仍能起腳射近柱破網，結果水晶宮半場領先1:0。
下半場曼聯雖積極進攻，但組織方面略欠威脅，相反水晶宮穩守突擊更見成效，但未有拉開紀錄，結果雙方下半場均沒有入球，水晶宮主場贏1:0。
至於韋斯咸作客白禮頓的比賽，雙方半場拉成均勢，不論控球比率及埋門次數均相近，結果戰至40分鐘，安東尼奧禁區外左腳拉弓，皮球直飛死角位置收死羅拔山齊士，半場領先1:0。下半場白禮頓積極反撲，50分鐘已追成平手，費文禁區接應馬治傳送，禁區右腳埋門中鵠，追成1:1。尾段80分鐘哥斯入波反超前2:1，加上補時階段之前交出助攻的韋碧克頭槌埋齋，白禮頓最終主場贏3:1。
曼聯雖全失3分，但因韋斯咸同樣輸波，令紅魔順利保住第6位，來季出戰歐霸盃。