「劍壇193」擔任Model一樣掂！
(@Now Sports)
【Now Sports】東京奧運男子個人花劍金牌得主張家朗最近獲高級潮流品牌邀請擔任品牌大使，周日他出席品牌活動時表示做模特兒影相舒適自在，似乎做Model也難不到這個劍壇花美男。
連續兩日出席商業活動，「劍神」張家朗表示雖然有些不習慣，但都慢慢適應，「有少少唔習慣，因為就算比賽時都唔係好習慣好多人望住，所以一開始十幾分鐘唔係好習慣，但之後都慢慢適應到。」
身高193厘米的家朗以黑色冷衫和皮鞋的斯文造型出席活動，形象與平時的運動裝有所不同，「都算輕鬆嘅打扮，冷衫平時唔會著，但係上次試完之後又覺得幾靚。」家朗表示以往比較少品牌邀請他，但他與隊友崔浩然都喜歡及留意潮流服飾，會上網學其他人的衣著配搭。
談到較早前擔任模特兒拍攝潮流時裝硬照，家朗說，「我反而覺得做Model影相嘅時候舒服，可能因為本身隻眼細冇乜精神，影Fashion相又唔係好介意，唔一定要好有精神好認真眼神要好銳利，我自己覺得舒服，同打劍一樣都係舒適。」家朗又笑言崔浩然也有在這方面提點他，「佢叫我唔好咁怕羞，我哋好多時都會傾下潮流服飾，傾下邊件衫靚，之前影完相佢都有提我啲甫士點擺。」