【Now Sports】香港「跳馬王子」石偉雄日前帶傷上陣出戰世錦賽,只完成一跳下未能取得任何排名,他賽後在社交媒體表示需要暫時停用高難度動作「李世光跳」。
「咁多位對唔住,李世光暫時要休息一陣,不過佢好快會返嚟」,石偉雄今夏出戰東京奧運使用「李世光跳」時落地受傷,無緣跳馬決賽之餘,更傷及兩條韌帶,他在社交媒體透露內心的掙扎:「由8月頭返到香港知道腳腕內側兩條韌帶斷咗,一直諗緊10月嘅世錦恢唔恢復得切呢?究竟做手術定唔做呢?」不過石仔與醫生、物理治理師密切合作下,最終獲批征戰世錦賽,「雖然係有啲冒險,但如果唔試,連堅持呢兩個字都唔駛講啦」。
石仔又提到在波蘭集訓時,每天都要忍受腳傷帶來的痛楚,甚至是「嗰種痛令到我懷疑人生」,不過為了保持動作的感覺,石仔還是咬緊牙關,繼續苦練。
雖然石仔今次出戰世錦賽初賽,選用難度較低的前手翻屈體前空翻兩周,但為保險起見,也只跳一次,以寓賽於操。他指出:「雖然(狀態)仲未係100%……呢個恢復進度教練同我都絕對收貨啦,比賽心態一直都係隨時Ready,係等隻腳好返就冇問題啦,繼續保持呢個進度咁就夠啦!」
石仔在社交媒體上又向隊友吳家祺道歉,笑言自己過份拚搏,受了傷仍堅持練習,令後者「連痛都唔敢出聲同(教練)Sergiy講,我知錯啦」。最後石仔再次感謝醫生和物理治療師團隊的幫助、教練的催谷、家人的支持及隊友的扶持,當然他亦不忘「放閃」感謝女友沿途的陪伴。