0
0
【香港首金】師姐歐倩瑩:本地劍擊發展會更蓬勃

【香港首金】師姐歐倩瑩:本地劍擊發展會更蓬勃

家朗會令本地劍擊發展更為蓬勃。 (©AFP)

【Now Sports】張家朗為香港摘下奧運金牌,是香港之光,也是本地劍擊界之光,身為師姐的前港隊奧運代表歐倩瑩為此深感自豪,坦言心情久久未平復,並相信家朗及一眾運動員都會令本地劍擊發展更為蓬勃。

「我諗唔單止我自己、劍擊界,全香港都為佢感到開心,始終係1996年後,隔咗25年香港再次奪金,仲要係劍擊呢個項目,非常令人驕傲。」曾代表港隊出戰2012年奧運、並於亞運共奪1銀2銅的劍擊名將歐倩瑩,恭喜師弟奪金。

「因為劍擊同滑浪風帆一樣,都係歐洲比較盛行同稱霸嘅項目,香港能夠躋身其中係非常難得,亦非常困難。」她續說:「頭先睇直播當然係非常緊張,我諗緊張心情並冇畀到家朗,因為佢一開始落後,但好快一分一分咁反超前,甚至將比數拉開,打得平穩、冷靜,將佢長處完全發揮出嚟,之後愈打愈順。過程中,我喺街上睇直播,見到好多人關注呢件事,相信佢哋本身唔識劍擊,但因為家朗係香港人,係香港驕傲,喺巴士度打開手機睇直播。甚至有啲人,包括我自己都激動到喺街上大嗌。同一時刻,聽到好多人尖叫,相信都係因為家朗歷史性為劍擊奪得金牌。」

「你聽到我把聲仲顫抖緊,因為實在太興奮,心情仲未平伏。佢打最後一分嘅時候,我未等裁判就知家朗得分,我自己個腦一片空白,好似發夢咁。同一時間,message係咁飛嚟,我覆message嘅時候都發現好多錯字,因為我手興奮到震。啲message當然係恭喜家朗有咁好表現,同時間都恭喜劍擊呢個項目,過去十年為香港體壇貢獻好多,多謝我哋劍擊界付出。」

當年李麗珊贏金牌,令本港牽起滑浪風帆熱,歐倩瑩相信今次情況亦一樣:「我相信嚟緊劍擊發展會更加蓬勃,可能由張家朗牽起好兆頭,再加上有Vivian(江旻憓),我諗嚟緊男花團體如果攞獎,亦相信佢哋會有好好表現,會有更加多人願意參與劍擊,畀佢哋去小朋友參加,我今日喺街上已經聽到好多人談論劍擊,所以真係好proud of家朗,同埋proud of香港劍擊界搞手、體院幕後團隊,因為佢哋為劍擊付出好多。」

  1. 更多
  1. 在內地擁有物業 公屋戶獲發遷出通知書
    在內地擁有物業 公屋戶獲發遷出通知書
    7小時前
  2. 迪士尼魔雪奇幻之旅 融合環保概念
    迪士尼魔雪奇幻之旅 融合環保概念
    3小時前
  3. 台灣素食店中毒死者驗出米酵菌酸 毒素全台首見
    台灣素食店中毒死者驗出米酵菌酸 毒素全台首見
    3小時前
  4. 東九文化中心「花海」亮燈 不再白茫茫一片
    東九文化中心「花海」亮燈 不再白茫茫一片
    4小時前
  5. 國足原主教練李鐵涉貪案一審 李鐵認罪悔罪法庭擇期宣判
    國足原主教練李鐵涉貪案一審 李鐵認罪悔罪法庭擇期宣判
    4小時前
  6. 日本進口瓶裝黑醋產品可能含懷疑有問題紅麴成分
    日本進口瓶裝黑醋產品可能含懷疑有問題紅麴成分
    4小時前
  7. 小米電動車上市 售價廿多三十萬人民幣
    小米電動車上市 售價廿多三十萬人民幣
    4小時前
  8. 《讓子彈飛》原著作者馬識途病逝 享年110歲
    《讓子彈飛》原著作者馬識途病逝 享年110歲
    5小時前
  9. 英王查理斯三世發表錄音講話 強調艱難時刻互相扶持重要性
    英王查理斯三世發表錄音講話 強調艱難時刻互相扶持重要性
    5小時前
  10. 曼谷機場網絡故障 香港快運兩班機延遲起飛
    曼谷機場網絡故障 香港快運兩班機延遲起飛
    5小時前