【Now Sports】香港時間星期三凌晨,皇家馬德里以3:1喺歐聯8強首回合贏利物浦,當日發生咗一段小插曲,皇馬女足,守門員Maria Isabel喺Twitter放咗一張自己同埋皇馬球員阿辛斯奧做同一個動作,簡單一句“Misma Pasión”(一樣熱血)但意外引起部份球迷不滿及攻擊,令Maria刪帖,阿辛噚晚post返相似嘅post同字,加咗一句「唔好俾任何人或事阻止你講出心裡所想」。事件引起皇馬球會、巴塞球會,同埋幾間西甲球會甚至整個歐洲球壇效,支持Maria,造成極大迴響。到底Maria嘅一張相一句說話有冇問題?皇馬女足同埋皇馬男足並列係咪有問題?
撰文:步大力熊
鍾意足球或者對球會嘅熱情,唔通男女有別?
平權似乎係女士喺足球上常常出現嘅問題,由球員、球證到球迷層面都常有發生。例如香港上個月都有某隊領隊表示足總唔應該派女球證為港超執法,而當事人羅碧芝係香港唯一國際女子一等裁判員。女足球員今次俾人針對,作為一個女球迷,當然覺得需要正視。而其實女球迷日常唔多唔少都會遇到好多古怪問題去挑戰你鍾意足球嘅程度,好似無番咁上下知識,係唔可以睇波咁。
當然凡事兩面睇,因為Maria其實有短暫踢過馬德里體育會,亦俾人發現係皇馬球迷;之後踢過拉科魯尼亞,今年皇馬組隊就馬上嚟咗皇馬。聽落有啲似古圖奧斯,而大家都知古圖仍然俾部份馬體會甚至皇馬球迷議論,因為踢過死敵球隊就係原罪。到底係咪單純性別問題,定同球會有關真係不得而知,無論如何,針對性別嘅言論一定係唔可以容忍。平時比賽鏡頭都會捕捉女球迷,慶祝球隊入波。如果無晒女仔慶祝,仲有咩嘢睇先?
撰文:步大力熊
要做一個理性球迷?不了,成為球迷本身就是一件不理性而且瘋狂的事。
email:ballthirteen@hotmail.com
歡迎瀏覽球十三fb專頁若得到波友一個like就是我們團隊的一大鼓舞:
www.facebook.com/ballthirteen