馬迪奧斯皮利拉梅開二度。
(©AFP)
【Now Sports】周六英超早場，車路士雖然先開紀錄，但泰亞高施華之後領紅牌，人少打人多下主場以2:5不敵西布朗。
車路士以剛於德國國家隊被嘲失機的添姆雲拿掛帥，配合佩利錫、施耶殊，中堅泰亞高施華（Thiago Silva）傷癒復出擔正。西布朗排出5-4-1主守陣式，由梅比贊尼出任單箭頭。
27分鐘，左翼衛馬高斯阿朗素主射罰球，門將莊士東撲到再中柱，佩利錫執雞先開紀錄。車仔形勢大好，但2分鐘後有泰亞高施華兩黃一紅被逐，就算換入基斯甸臣，防線仍不穩。
補時2分鐘，莊士東長傳，翼鋒馬迪奧斯皮利拉射入，追成平手。雖然翼鋒馬特菲臘斯射中楣，但馬迪奧斯皮利拉於補時4分鐘把握右閘域斯占士犯錯，射成2:1完半場。
車路士半場換入中場曼治，反而再失2球。63分鐘，翼鋒卡林羅賓遜在禁區邊窩利抽入靚波，5分鐘後一次美妙組織，梅比贊尼接應傳中射成4:1。車仔由曼治追回一球，但完場前卡林羅賓遜再士哥，西布朗奠定5:2勝局。