韋碧克奠定勝局。
(©AFP)
【Now Sports】周六英超尾場，白禮頓主場以3:0輕取紐卡素，錄得2連勝。
白禮頓再次以韋碧克、慕比出任雙箭頭，拉蘭拿、托沙（Leandro Trossard）於中場壓陣，21歲右閘莫達首次於英超正選披甲。紐卡素鋒將阿米朗傷癒回歸，跟懷恩費沙、祖亞寧頓合組三叉戟。
白禮頓於上半場佔盡優勢，取得75%控球比率及7次攻門。終於在補時3分鐘，左閘費文長傳，托沙轉身輕鬆擺脫中堅施倫奇勒後，於20碼外轟入，海鷗打破缺口，半場領先1:0。
50分鐘，懷恩費沙妙射中柱彈出，紐卡素未能追平後1分鐘便再失1球，被韋碧克於左路推大位射入遠程炮。68分鐘，中場哥斯傳中，慕比窩利抽入，白禮頓大炒紐卡素3:0。