0
0
【鏟草男女】西甲淪為「農民聯賽」?

【鏟草男女】西甲淪為「農民聯賽」?

皇馬克服不利條件贏阿特蘭大有交代。 (©AFP)

【Now Sports】歐聯16強首回合剛剛完結,皇家馬德里喺4隊西甲球隊入面,唯一喺首回合贏波嘅隊伍,而且係打多一人都要近完場先入波。然後網絡上就出現一堆新迷因圖(Meme),笑西甲嘅球隊今年16強可能止步,成為「農民聯賽」(Farmer League)。當年歐聯歐霸成日稱王嘅西甲,咩事變成「農民聯賽」?

撰文:步大力熊

「農民聯賽」泛指比較平庸嘅聯賽,無咩競爭力,係取笑該聯賽球員正職為農民,有比賽時先踢波,以前都係用嚟形容一隊獨大嘅法甲比較多。曾經由2014至2018年稱霸歐聯歐霸嘅西甲4支強隊(除咗2016/17年由曼聯奪得歐霸),先經歷只有皇馬驚險首名出線,其餘3隊次名出線。到16強首回合,4隊有3隊都係敗陣,令人想了解發生咗咩事,而特別係馬德里雙雄,佢地哋隊中都係有一啲情況影響佢哋嘅表現。

馬德里體育會西甲開季時走勢唔錯,奧比勒(Jan Oblak)上半季仲保持失球於單位數字,多場零封;蘇亞雷斯由巴塞隆拿去到馬體會變成入球機器,而皇馬去嘅洛蘭迪亦有高水準發揮,更靠喺馬體會嘅表現首次入選西班牙國家隊。2020年12月施蒙尼就穩定咁轉陣踢3中堅,開頭以為效果唔錯,但其實近日已經於各項比賽連續8場有失球, 奧比勒嘅11場零封數字亦畀皇馬嘅古圖奧斯追到。西甲嘅績分優勢亦畀巴塞,皇馬,西維爾追近返,令馬體會嘅球迷好擔心。如果馬體會想歐聯再走遠啲,施蒙尼要諗吓計;下仗作客車路士點樣可以追返一個作客入球 (馬體會首回合輸車路士0:1)。

皇馬方面,由開季踢歐聯就一路跌跌宕宕,分組賽直到最後一場先明確知道係首名、次名,定出局轉踢歐霸。隊波傷患一直纏繞,基本上正選一隊係冇球員冇傷過,而且係傷完又傷,但皇馬都係等到上星期賓斯馬受傷先傳出要對醫療團隊進行調查。《馬卡報》計算出皇馬有20個球員曾經受傷共41 次,缺陣總數為146場或者係823分鐘。對阿特蘭大嘅傷患陣容,加番個後備龍門已經足夠自己開一隊嚟踢,而正選陣容只有12位一隊球員。所以傷患中嘅皇馬喺最唔識攻嘅鐵筒陣拎到一個作客入球小勝阿特蘭大1:0,都算係意外收穫,球員實在有功。下一場,隊長沙治奧拉莫斯將有機會回歸,有一個咁有大賽經驗嘅球員,對局勢會更有幫助。

撰文:步大力熊

要做一個理性球迷?不了,成為球迷本身就是一件不理性而且瘋狂的事。

email:ballthirteen@hotmail.com

歡迎瀏覽球十三fb專頁若得到波友一個like就是我們團隊的一大鼓舞:

www.facebook.com/ballthirteen

  1. 更多
  1. 狄志遠倡政府應多方面提供照顧者服務
    狄志遠倡政府應多方面提供照顧者服務
    1小時前
  2. 復活節長假首日出境高峰 上水站現北上人龍
    復活節長假首日出境高峰 上水站現北上人龍
    24分鐘前
  3. 復活節長假首日出境高峰 上水站現北上人龍
    復活節長假首日出境高峰 上水站現北上人龍
    1小時前
  4. 【首都專線】京東大鼓宣傳防詐騙 非遺傳承人指題材創新更深入民心
    【首都專線】京東大鼓宣傳防詐騙 非遺傳承人指題材創新更深入民心
    1小時前
  5. 東涌裕泰苑火警三人送院 獲救貓隻需即場搶救
    東涌裕泰苑火警三人送院 獲救貓隻需即場搶救
    1小時前
  6. 荷蘭斥資25億歐元改善基建挽留ASML
    荷蘭斥資25億歐元改善基建挽留ASML
    1小時前
  7. 馬里蘭州暫停搜索貨船撞橋事故失蹤工人
    馬里蘭州暫停搜索貨船撞橋事故失蹤工人
    1小時前
  8. 國際法院要求以色列增加加沙陸路過境點及保持開放
    國際法院要求以色列增加加沙陸路過境點及保持開放
    1小時前
  9. 【兩文三語 全城參與】潮學語言
    【兩文三語 全城參與】潮學語言
    1小時前
  10. 南非北部旅遊巴墜橋起火45人喪生
    南非北部旅遊巴墜橋起火45人喪生
    2小時前