聯賽連勝斷纜！巴塞1：1卡迪斯

【Now Sports】雖然巴塞隆拿有美斯入波，但最終只能在主場與卡迪斯打成1:1平手，痛失2分。

周日巴塞主場對卡迪斯賽事，主隊可說是強陣出擊，美斯、基斯文、奧斯文丹比利組成攻擊線爭取入球。上半場巴塞佔盡優勢，控球率高達82%，初段艾巴、美斯、丹比利都有埋門機會，惜未能化成入球，不過戰至31分鐘終打破缺口。當時身在禁區的柏度干沙利斯被對手侵犯，球證直指12碼，打破沙維紀錄、第506次為巴塞在西甲上陣的美斯主射中鵠，領先1:0。

落後的卡迪斯隨後即出現黃金扳平機會，蘇賓奴一次反擊機會於禁區起腳，不過未能化成入球；那邊廂巴塞38分鐘亦有機會拉開優勢，法基迪莊接應基斯文的妙傳將皮球放入網窩，但因為越位在先入球無效。最終巴塞憑美斯的12碼領先1球，返回更衣室。

下半場巴塞繼續控球在腳，卡迪斯則著重防守，靜待反擊機會，60分鐘巴塞突破防線，美斯交橫基斯文近射，門將列迪斯馬快一步解圍成功；隨後丹比利兩度個人突破殺入禁區埋門，臨門一腳亦欠準繩度。73分鐘美斯6碼點近射高出，其後遠射又不中目標，埋下失分伏線。尾段朗格利解圍不清，禁區內踢中蘇賓奴，球證直指12碼，阿歷斯主射得手。最終巴塞1:1與卡迪斯打成平手各得1分，巴塞至今的西甲7連勝亦告終結。