陸文的努力終於獲得回報。
(©AFP)
【Now Sports】周六英超爆發護級大戰，尾3富咸主場以1:0力挫包尾錫菲聯。
富咸以卡華里路、陸文（Ademola Lookman）、馬查合作進攻，射手米特羅域繼續隔離。錫菲聯大變陣，正選陣容與上場有5個變動，雙箭頭為麥般尼、比利沙柏，中堅積基卡、中場費力克皆擔正。
上半場，富咸全面佔優，當中陸文非常活躍，在8分鐘就以角球直接射門，藍斯度托出底線。18分鐘，陸文在左路起腳，再次被藍斯度撲出，雙方以0:0完半場。
易邊後戰至61分鐘，陸文的努力終於獲得回報，他在左路發難，擺脫了中堅安柏度後射入。73分鐘，後衛艾拿在離門25碼外起腳，藍斯度飛身撲出，富咸未能再添入球，維持1:0勝局。