雙方戰至難分難解。
(©AFP)
【Now Sports】狼隊憑尼維斯和柏度尼圖下半場各入一球下，作客2:1反勝修咸頓，全取3分。
周日修咸頓主場對狼隊的賽事，首個具睇頭的埋門先出現在狼隊身上，7分鐘祖奧莫天奴禁區頂一抽高出。其後就屬於主隊的時間，9分鐘先有今戰正選上陣的南野拓實被對手力壓之下近門施射被撲出。
19分鐘列文接應丹尼京斯橫傳即燙死角，柏捷斯奧僅僅救出。不過率先破蛋的一方始終都是修咸頓，岩士唐左路傳中，京斯球不著地即抽死角破網，柏捷斯奧無從挽救，主隊24分鐘領先1:0完上半場。
狼隊下半場即主動反撲，53分鐘就有收獲，施美度右路抽射省中貝查特的手，球證直指12碼，尼維斯主射中鵠，追成1:1平手。狼隊追平後攻勢一浪接一浪，先有尼維斯窩利抽射不中目標。66分鐘柏度尼圖右路個人突破，近底線作窄角度埋門，收死阿歷斯麥卡菲，反超前2:1。
修咸頓尾段希望收復失地，78分鐘京斯傳中，獲特包斯禁區頂拉弓被救出，後備入替的阿當斯補射又被救出，錯失黃金機會。83分鐘列文傳中，阿當斯飛身頭槌埋門又出界，最終狼隊反勝2:1，全取3分，相反修咸頓錄得破球會紀錄的聯賽6連敗。