華舒福在門前浪費了絕佳機會。
(©AFP)
【Now Sports】周六英超仙魔戰，曼聯作客以0:0賽和阿仙奴，各得1分。
曼聯排出4-4-2陣式，卡雲尼取代近況平平的馬斯亞，與華舒福（Marcus Rashford）組成雙箭頭，般奴費蘭迪斯出任10號位。阿仙奴射手奧巴美揚、翼鋒薩卡避戰，由拉卡錫迪、尼高拉比比、馬天尼利、史密夫路合作進攻，新加盟翼鋒奧迪哥特先列後備。
雙方開賽後一直處於膠著，戰至20分鐘一次角球攻勢，中場費特在禁區邊起左腳，門將利奴飛身撲出。5分鐘後，兵工廠以角球還以顏色，中場加列沙卡勁頂欠角度。
34分鐘，般奴在左路禁區擺脫中堅大衛路爾斯，射遠柱僅斜出。完半場前，華舒福在門前無人看管面對龍門，但遲遲未肯起腳，浪費了絕佳機會，兩軍以0:0完半場。
阿仙奴易邊後取得先機，力壓紅魔，拉卡錫迪於64分鐘快射罰球，可惜中楣彈出。奧迪哥特在83分鐘入替，但未有機會表演，曼聯便差點打破缺口，右閘雲比沙卡在88分鐘傳中，卡雲尼近門窩利射斜。兩軍都未能取得入球，最終以0:0賽和，各得1分。