【Now Sports】夏沙特兩周前由比利時國家隊回歸皇家馬德里，一直話係受傷未好番，所以友賽及西甲首戰都無上場。球迷再次發現佢身型漲咗，懷疑夏神放假又不停食嘢，擔心今季會唔會好似上季咁，要兩個月先入局。夏神一直都表示佢鍾意食嘢，放假就要食。佢係易肥易瘦嘅體質，相信自己好快可以減返咁話。
撰文：步大力熊
大家可能會問點解佢唔可以好好控制食慾？原來夾硬唔畀夏沙特食嘢心理學上可能會有反效果。有某種人天生impulse control（沖衝控制）比較弱，加上味蕾敏感，佢哋係比其他人更會欣賞食物，所以佢哋會比一般人有更多食慾。對佢哋嚟講食慾要有收有放。如果間中無得放一個食物假期（food holiday）畀佢哋滿足心靈上嘅需要 ，佢哋平時就好難收食慾控制食量，亦令佢哋好難專心做嘢。
點解咁講？ 原來食慾同認知資源有關。
一項關於食慾同心理嘅研究結果顯示，參與者為食程度（食慾）同佢哋想像食物生動程度有關。 研究發現心理意象（想像食物或其他東西）會佔用認知資源或腦力，當參與者想像某樣事物時，佢哋好難完成各種認知任務。 實驗入面，研究人員畀兩組參與者一堆單詞去記住，結果想食朱古力嘅參與者比唔想食朱古力嘅參與者回想到嘅單詞較少，花嘅時間亦比較長。
為食同心理意象之間嘅聯繫，同埋心理意象會佔用認知資源嘅發現，有助解釋點解對食物嘅渴望會具破壞性：當我哋想像特定食物嘅時侯，我地大部份腦力都集中喺食物上，令我哋好難完成手頭上工作。
所以夏神放假先食，可以減輕佢平時對食物嘅慾望，令佢可以更集中喺場上嘅發揮。不過佢都30歲啦，新陳代謝會減慢，放假再瘋狂大擦會唔會冇咁容易減得返呢？
撰文：步大力熊
要做一個理性球迷？不了，成為球迷本身就是一件不理性而且瘋狂的事。
本欄逢周二及周四上載
周二 歪花
周四 步大力熊/泰萊
email：ballthirteen@hotmail.com
歡迎瀏覽球十三fb專頁若得到波友一個like就是我們團隊的一大鼓舞：
www.facebook.com/ballthirteen