阿古路入QPR大門易過食生菜。
(©AFP)
【Now Sports】2011/12年煞科，曼城打敗昆士柏流浪（QPR），一隊封王，另一隊又成功護級，出現雙贏局；事隔約3年，又是季尾，又是同一戲碼，主角是再起「Q」的阿古路，結局卻截然不同。
昆士柏流浪那時儼如升降機，在2014/15年升班一季後又再淪至護級，5月10日在倒數第3輪作客曼城，因落後17位的紐卡素達6分，故形勢上非勝不可。無奈實力差距太大，阿古路（Sergio Aguero）甫開賽4分鐘就打破缺口，高拉洛夫其後擴大比數。
阿古路下半場再入兩球，包括一球12碼，加上占士米拿和大衛施華亦入波，令曼城主場大勝6:0。QPR篤定降班，最終更只得30分敬陪末席，那年降落英冠後，至今仍未再重返英超。
時任領隊基斯藍斯最初能保住帥位，直至同年11月被炒。之後，球隊主帥走馬看花，禾諾克、哈索賓基、賀路維到麥卡倫先後掌舵，直至去年5月，華貝頓取代麥卡倫，簽約兩年，今季英冠暫時排第13位。
至於曼城大勝，但該季錦標最終落在車路士之手，藍月只得亞軍。