【Now Sports-體育】曼城於周六英超主場再鬥修咸頓,有機會大炒兼炒起對方領隊哈辛赫圖。
撰文:歪花
曼城在上輪英超主場迎戰阿士東維拉,就算踢得小心翼翼,仍然大炒3:0;周中英聯盃鬥修咸頓,雖然起用不少副選球員,而且試驗阿古路、加比爾捷西斯同場,仍然輕取3:1。
今場再鬥聖徒,藍月勢有中場迪布尼、大衛施華、翼鋒史端寧回歸正選,組織及埋門能力更強,優勢十分明顯,相信修咸頓防線將會再次面對既漫長又難捱的一夜。
修咸頓經過紀錄性吞9蛋後,防守沒太大改善。領隊哈辛赫圖崇尚高位壓迫,高速行軍,但應用在質素及合作平平的聖徒身上,好睇唔好食,球員最近亦已輸到慌,有機會擺爛至易帥。
曼城VS修咸頓
曼城
傷兵 施真高、辛尼、洛迪靴蘭迪斯、拉樸迪、安祖連奴
停賽 /
修咸頓
傷兵 蘇亞利斯、真尼普
停賽 貝查特