菲力斯是好波。
(©AFP)
【Now Sports-體育】周日西甲，馬德里體育會作客弱旅利根尼斯，藉祖奧菲力斯妙傳予域度奴，攻入全場唯一入球，小勝取得2連勝。
馬體會今季大肆擴軍，新加盟的祖奧菲力斯（João Félix）和查比亞齊齊正選，連同摩拉達、高基等舊將齊齊落場。
戰情一如所料，馬體會控制比賽節奏，但到肉的攻門不多，開賽頭15分鐘，本土射手摩拉達錯失了2個機會。32分鐘，查比亞中場右路送長傳，入楔的摩拉達起腳被擋出，半場踢成0:0。
換邊後初段，客軍繼續增加壓力，「新C朗」菲力斯射門高出。53分鐘，利根尼斯最接近得分的機會，幸好門將奧比勒救出了罰球。
71分鐘，菲力斯右路引開守將，極少空間下送出妙傳，後備入替的域度奴把握機會，射成1:0。完場前6分鐘，摩拉達接應高基的傳送，面對門將再次被化險為夷。
最終，馬體會維持勝果到完場，開季2戰皆勝，6分與西維爾睇齊。