【now.com體育】阿仙奴在國際賽期拉大隊到杜拜集訓,周二友賽以3:2反勝當地球會艾納斯。
阿仙奴的鋒線十分齊整,以奧斯爾、丹尼斯蘇亞雷斯(Denis Suarez)支援箭頭拿卡錫迪。艾納斯則有前曼城射手尼格度壓陣。
就算是友賽,兵工廠的防守也一樣差勁,中堅梅斯達菲甫開賽就差點「派膠」,幸好門將賓特尼奴救出險球。14分鐘,前鋒朗尼費南迪斯從左邊切入中路轟入遠柱,形勢佔優的艾納斯領先1:0。阿仙奴落後下,仍然處於劣勢,前線威脅平平,拿卡錫迪的射門直入門將沙林賓懷中。完半場前,丹蘇交出靚波,右閘贊堅臣先射中楣,再補中成功,扳平1:1。
下半場,兵工廠表現回勇。戰至51分鐘,右閘美蘭尼爾斯在邊線發難,傳予奧斯爾,後者交出助攻,拿卡錫迪冷靜地射成2:1。小將約翰祖利斯在72分鐘扭過門將射入空門,助阿仙奴領先至2球。艾納斯在完場前憑12碼追回1球,但仍以2:3敗陣。