迪亞高哥斯達持續強勢，4場賽事已取得7個入球。
(©AFP)
【now.com體育】英超第4輪車路士主場迎戰賽前同樣錄得全勝的史雲斯，一如以往，慣性慢熱的車路士開賽初段被客軍控制戰局，無法取得控球組織攻勢，更被史雲斯於一次左路進攻傳中，迫使隊長泰利救球時將皮球撞入自己網窩先落後1球，藍軍仿似如夢初醒。
撰文：Billy Blues｜香港車路士官方球迷會幹事
落後的車路士開始積極起來，向對手壓迫並慢慢取得比賽節奏，於完半場前憑一個角球扳平，表現平平的藍軍得以保持和局進入更衣室。換邊後拼搶一流的拉美利斯入替表現水準以下的舒賀爾尼，開賽隨即見效，車路士開始取得控球優勢圍攻史雲斯，結果再由迪亞高哥斯達連入兩球，大演帽子戲法，並由首次上陣的雷米錦上添花，這場比賽勝負已分，雖然尾段客軍由舒維爾再破主隊大門，但對戰果並無影響，車路士以4:2取勝獨佔榜首。
迪亞高哥斯達持續強勢，已經4場賽事取得7個入球，可謂前無古人，係球會史上自1928年以來，繼Jack Meredith後第2個開咧連續4場均有入球，亦係英超有史以來首個球員能夠頭4場賽事攻入7球，這表現實在令一眾車迷心花怒放，現車迷們只祈求「達哥」身體健康，唔好有甚麼傷病。 雖然雷米以處子登場並取得入球，但係實力仍有待觀察。
另外法比加斯也在此戰取得2助攻，本季已累積6個助攻，2013/14年度賽季，夏薩特以7助攻成為助攻王，如今法比仔用4場已經接近追平，相信車迷們再也不會對佢有任何懷疑，今季藍獅加咗呢一對翼，希望能一直飛向錦標。
4連勝後周中會有歐聯賽事，周日就要作客硬撼曼城，香港車路士官方球迷會當晚會舉行每月大派對，有興趣一齊為車仔打氣嘅車迷，記得抽空出席喇！詳情請參閱以下連結，到時見。
http://on.fb.me/1n4CF9l
香港車路士官方球會：www.chelsea-hk.org