【now.com體育】世界盃開幕倒數不足100天，各大體育品牌近日不停出招，又波砵又球衣，目不暇給之餘，荷包都有唔少壓力。adidas就搵嚟模特兒董嘉儀（Lulu）同江嘉敏（Kaman），拍攝一系列2014世界盃國家隊球衣造型，同球迷熱一熱身。
呢一輯相，包括西班牙、德國、日本、阿根廷、哥倫比亞、俄羅斯同墨西哥嘅世界盃戰衣。其中衛冕嘅「狂牛兵團」主場戰衣繼續採用傳統鮮紅主色，而作客則配上從未用過嘅黑色同螢光綠相配。
另一支大熱門德國，主場純白主色戰衣貫徹傳統，作客球衣紅黑橫間都有突破，就算唔係落場都啱睇。其餘各國球衣都以本土特色為設計理念，為各支國家隊體現出民族精神。