【Now新聞台】截至早上11點，1小時內《彭博》用戶關注度上升最多的港股，依次為九龍倉置業、中國鐵塔、銀河娛樂、思摩爾國際、永利澳門。
港府宣布今日起恢復「回港易」，並於15日起推出「來港易」畀內地人免檢疫來港，谷起多隻復甦概念股。
收租股九倉置業半日升逾4%，現報42.45元。市場預期，每日透過「來港易」嚟嘅2000位內地人應該多屬高檔消費客。時代廣場、海港城等高檔商場嘅包租公係咪可以受惠？
安山資本資產管理部董事黃志陽認為，「來港易」消息令市場憧憬兩地會唔理「清零」與否加速通關，甚至延伸至其他低風險地區，刺激零售股今日彈起。
不過Jackson就話，通關後雖然客量多咗，但始終消費模式改變，預期唔會恢復疫情前水平，但每單消費金額可能會上升。而短期九倉置業股價上返45元平台區後，未必有力再衝。
