《蘋果日報》的攝影師總能拍到藝人的醜態，翻白眼雙下巴矇豬眼，往往成為網民笑料。《蘋果日報》的相片被稱為「蘋果照妖鏡」，討論區更有年度「蘋果照妖鏡」選舉。《蘋果日報》今日出版最後一份實體報紙，不少藝人在社交平台上載當年報道，tag上「#蘋果照妖鏡」緬懷自嘲一番。
歌手駱胤鳴就話12年前無人教她做專訪要借衫、化妝set頭，笑言沒有化妝的平民樣嚇親記者，不忘多謝攝影師當年手下留情，無嘲笑她之餘還教她擺pose。「以後無咗蘋果照妖鏡，係人係鬼我哋就要自己睇啦。條褲唔啱著（着）咗好多年，條（件）衫都唔知去咗邊，但我個初心仲喺度。」相片中的她穿上紅色格仔恤衫，襯牛仔熱褲，叉腰舉起V字手勢，一臉稚氣。
艾粒的Donald和少爺占都有上載扮老夫子，以及化身多啦A夢和大雄的相片，寫道：「當年未發育嘅唐奴。」網民留言表示「好攞命」、「你肯定佢而家發左(咗)育？」
藝人盧覓雪上載2008年出席首映禮的相片，她指當日向商台辭職，出席活動時仍專業地交出笑容，不過就被《蘋果日報》的攝影師拍下若有所思的樣子。「蘋果照妖鏡就聽得多，估唔到除咗照妖仲識得攝魂」，她謂自己天生麗質，不怕「旁門左道」的照妖鏡。
DJ阮小儀養了兩隻芝娃娃「Dee Dee」和「細佬佬」，Dee Dee在兩年前離世。小儀昨日上載2012年和兩隻愛犬接受專訪時拍下的相片，加了「#蘋果照妖鏡」一tag，寫道：「亂世中更要學識感恩！很美的一個回憶⋯⋯」鏡頭下，記錄了小儀和愛犬的互動，還有可愛伸脷的Dee Dee、細細粒的細佬佬。
Photo / Instagram@lokming15、Instagram@jimyan、Instagram@donaldtong、Instagram@michelle_looooo、Instagram@kittyyuen、Instagram@chufune、Instagram@gloriayipwanyee、Facebook@PongNanOfficial
