【A&M Diary】大家一定識炮台山，亦都應該聽過喺炮台山嘅油街實現！不過唔知大家又有無聽過炮台山嘅「富利來商場」？大家唔好以為呢個係一個新商場，原來佢80年代已經喺度，只係大家都無咩留意佢！我哋聽聞「活化富利商場」，打造成炮台山PMQ，有好多本地特色小店進駐炮台山富利來商場一樓，包括：手工飾物、露營用品、書店、雜貨、花藝、古董鐘錶、植物擺設等，啱晒年青人同文青！今日就去睇下同平時行開嘅大型商場有咩唔同先！
富利來商場
富利來商場位於炮台山京華道，附近係海峰園同港島海逸君綽酒店，炮台山地鐵站步行5分鐘就到！原來富利來商場喺80年代興建，以寫字樓同貨倉居多，不過後期有大量吉舖，人流稀少，成為香港「死場」之一。
旋轉樓梯
富利來商場依然保留80年代風格，設計懷舊，有依稀嘅殖民地感覺。商場中間嘅旋轉樓梯絕對係打卡位，好有韻味！
本地特色小店
富利來商場地下同二樓依舊有洗衣店同辦公室，而阿叔商店嘅店主就發起「活化富利商場」，打造成炮台山PMQ，所以商場嘅一樓就有好多間本地特色小店進駐，包括：手工飾物、露營用品、書店、雜貨、花藝、古董鐘錶、植物擺設等，啱晒年青人同文青！
Uncle South Design 阿叔商店 @uncle_store_hk
店主南叔係「活化富利來商場」計劃嘅靈魂人物，阿叔商店賣懷舊玩具同生活雜貨，仲同農友心合作，賣本地有機蔬菜，好有人情味！
豚肉鍋貼 – 香港鬼怪商店 @watplimited
店主係香港設計師，設計作品圍繞香港鬼怪故事，拍檔更不斷去搜集香港更多資料，亦同香港多個品牌聯乘合作商品，同時間有賣日本昭和懷舊文具！
Deopuz – 日本職人銀器首飾店 @deopuz
全部產品都係日本人手造，仲要係限量，極具珍藏。店舖裝修美觀，品味十足，有好多本地職人造嘅傢俬，麻雀雖小，五臟俱全！
Fingers Work – 宇宙漫步 @fingers.work
炮台山富利來係佢嘅第二間分店，佢哋係製作人手噴漆iPhone套、電腦外殼等，絕對香港製造，獨一無二。
