【A&M Diary】布萊頓(Brighton)係英國其中一個好出名嘅旅遊城市,景點非常多,市內仲有唔少地標建築,其中包括布萊頓(Brighton)最高嘅英國航空 i360(British Airways i360)!大家除咗可以登上英國航空 i360(British Airways i360),欣賞布萊頓(Brighton)全市嘅景色之外,原來英國航空 i360(British Airways i360)仲有唔少活動,等大家體驗不一樣嘅旅程呢!
英國航空 i360(British Airways i360)
位於布萊頓(Brighton)嘅英國航空 i360(British Airways i360)高162米,除咗係布萊頓(Brighton)最高嘅建築物,更曾打破健力士世界紀錄,一度成為全球「最瘦」嘅觀光塔!觀光塔每次最多可容納200人,帶我哋由地下升上138米嘅高度,以360度無遮擋欣賞布萊頓(Brighton)嘅景色。每次旅程大概20-30分鐘,如果天氣好嘅話,更加可以遠眺七姊妹巖嘅景色添!
British Airways i360:Nyetimber Sky Bar
英國航空 i360(British Airways i360)除咗係一個觀光塔,喺英國航空 i360(British Airways i360)更設有英國是南海岸最高嘅酒吧:The Nyetimber Sky Bar。邊欣賞布萊頓(Brighton)嘅景色邊嘆杯雞尾酒或有汽酒,真係好relax呀!我哋買飛嘅時候,就特登買咗Sparkling Wine Experience,到時就可以直接去到Nyetimber Sky Bar換領一杯英格蘭出品的Nyetimber Classic Cuvée。
British Airways i360:Walk 360
M佬一向畏高,所以今次挑戰擔量,參加英國航空 i360(British Airways i360)嘅Walk 360。當觀光塔升到138米,我哋做好晒安全措施,教練就帶我哋爬上去觀光塔外面,嚟一次高空散步!一開始嘅時候,都有啲驚㗎,但其實路面非常闊落,加上可以無遮無擋咁欣賞布萊頓(Brighton)嘅景色,所以好快就放鬆心情,投入呢個絕美嘅風光。呢個活動嘅時間非常充裕,Walk 360玩成個半鐘,除咗可以慢慢欣賞景色之外,更加可以睇住太陽同海浪嘅變化,絕對推介!另外,呢個體驗旅程仲會包兩張數碼相俾大家留念㗎!