〈好食〉[父親節食乜好] 10大放題抵食自助餐優惠任食點心/海鮮火鍋/日韓放題/酒店自助餐推介

【A&M Diary】一年一度嘅父親節就梗係要食得盡興啦，所以放題同自助餐就最啱慶祝父親節！父親節期間，唔少餐廳都會推出父親節套餐，價錢仲特別貴添，所以想食得經濟實惠，我哋就為大家整理咗全港10間提早預訂有優惠嘅父親節餐廳，推介任食點心、海鮮火鍋、日韓放題同酒店自助餐俾大家，一齊為父親節帶嚟美食小驚喜啦！

1. 父親節餐廳推介 – 點心放題：九龍海逸君綽酒店海雲天
地址：紅磡德豐街20號九龍海逸君綽酒店2樓
立即預訂：點心放題
詳情：紅磡抵食酒店點心放題九龍海逸君綽酒店海雲天
同爸爸慶祝父親節，最啱就梗係食點心啦！如果望住海景嘆茶食點心，加上酒店級數服務，真係無得輸！位於九龍海逸君綽酒店嘅海雲天一直都係其中一間人氣熱門嘅任食點心餐廳，近期更將新鮮水果融入點心，增添鮮甜嘅感覺，包括：火龍果鮮蝦腸、玉桂蘋果鮮蝦餃、芒果牛肉球、酸仔菠蘿酥、洛神花蘿蔔糕、山楂蒸排骨、黑金流沙包、椒鹽豆腐粒等。

2. 父親節餐廳推介 – 酒店自助餐：黃金海岸酒店海岸扒房
地址：屯門青山公路1號香港黃金海岸酒店大堂樓層
立即預訂：酒店自助餐
父親節期間，黃金海岸酒店自助早午餐，除咗雪花蟹爪、波士頓龍蝦、翡翠螺、海蝦、青口等海鮮頭盤、油甘魚、三文魚、吞拿魚、希靈魚、甜蝦、北寄貝、赤貝、八爪魚等魚生刺身、美國燒牛肉、燒羊脾等食物之外，仲有唔少爸爸最愛嘅精緻小菜，包括迷你佛跳牆、清蒸石斑魚、海南雞、XO 醬西蘭花珊瑚蚌花枝片等，非常豐富，最後仲有比利時窩夫、朱古力心太軟、Mövenpick 雪糕杯作為甜品。

3. 父親節餐廳推介 – 酒店自助餐：香港朗廷酒店The Food Gallery
地址：尖沙咀北京道8號香港朗廷酒店大堂
立即預訂：酒店自助餐
朗廷酒店的父親節自助餐最適合喜歡飲酒嘅爸爸，無論自助午餐定自助晚餐都可以無限暢飲精選餐酒，汽水及橙汁，同爸爸飲番杯，不醉無歸！至於食物方面就有生蠔、龍蝦、瑞典小龍蝦、冰島翡翠螺、鳳尾蝦、加拿大青口、香煎鴨肝配多士、燒牛肋骨、香草烤羊脾、威靈慎三文魚、重慶纸包魚、砵酒焗蠔、黑松露蟹肉炒蛋白等，絕對容易回本！

4. 父親節餐廳推介 – 酒店自助餐：太子酒店SAVVY
地址：尖沙咀廣東道3-27號海港城港威商場3樓GW3209A號舖
立即預訂：酒店自助餐
詳情：酒店世一自助早午餐高質海港城太子酒店SAVVY
太子酒店近期翻新重開後，SAVVY充滿格調，氣氛環境唔錯，非常適合慶祝父親節。餐廳分為唔同區域，有海鮮、沙律冷盤、餐湯、切肉熱葷、甜品等等之外，仲會由店員以pass around形式嘅精選食物。海鮮包括龍蝦、大蜆、青口、小龍蝦、麵包蟹等。但佢嘅最大賣點係呢度由東南亞同印度大廚主理嘅家鄉馬拉菜同印度咖喱。

5. 父親節餐廳推介 – 酒店自助餐：港島海逸君綽酒店 Harbour Grand Café
地址：北角油街23號港島海逸君綽酒店3樓
立即預訂：酒店自助餐
港島海逸君綽酒店酒店自助餐嘅最大賣點就係八十呎長嘅自助餐餐枱，絕對能夠讓你心大心細，因為自取區放滿一系列精選美食，包括新鮮即開生蠔、特色凍海鮮盤、雜錦刺身及壽司拼盤、壽喜鍋、韓式鐵板燒肉、海鮮大阪燒、韓式芝士炸雞膇、韓式人參雞湯、威士忌日本芝士蛋糕、焙茶木糠布甸、和菓子等。

6. 父親節餐廳推介 – 海鮮火鍋：緣味小聚
地址：旺角彌敦道575號LADDER Dundas 9樓、銅鑼灣記利佐治街1號金百利廣場7樓R4號舖、觀塘偉業街93號 93WYS 20樓
立即預訂：海鮮火鍋
詳情：海鮮都係蒸嘅好銅鑼灣緣味小聚
主打新鮮海鮮嘅緣味小聚，就適合對海鮮要求高嘅爸爸，父親節晚餐就最適合！放題嘅海鮮包括生猛厚肉龍蝦、韓國大鮑魚、澳洲M5和牛、安格斯牛肩胛、安格斯靚肥牛、西班牙黑毛豬、蟲草花走地雞等，重點當然唔可以錯過精華所在嘅椰皇水粥底鍋啦！

7. 父親節餐廳推介 – 日韓放題：泰.夯蝦
地址：荃灣眾安街2-8號周合成大廈1樓全層 / 佐敦彌敦道219號莊士倫敦廣場10樓
立即預訂：流水蝦放題
詳情：當飛轉泰國啦尖沙咀泰.夯蝦
疫情期間，帶唔到爸爸去旅行，不如就趁父親節同佢去泰.夯蝦，嚟一轉偽泰國旅行啦！每張檯嘅旁邊就係蝦池，大家邊食邊捉新鮮大頭蝦，捉到嘅蝦先放入冰筒，將佢哋凍暈，然後再燒。我哋建議燒之前先剪咗啲鬚同腳，咁食嘅時候就會方便啲！大頭蝦即捉即燒，當然夠晒新鮮！

8. 父親節餐廳推介 – 點心放題：凱悅酒店凱悅軒
地址：尖沙咀凱悅酒店
立即預訂：點心放題
凱悅軒係其中一間名氣超高，品質超高水準嘅酒店點心放題選擇，啱晒識享受又鍾意嘆一盅兩件嘅爸爸啦！點心放題嘅120分鐘可以嘆盡各式精緻點心、小食、甜點，選擇貴精不貴多，其中筍尖蝦餃王、飛魚子燒賣係必食回本點心！另外，蜜汁叉燒亦用西班牙黑豚、配以蜜汁，口感一流，同為必食之選！

9. 父親節餐廳推介 – 酒店自助餐：北角海逸酒店綠怡咖啡廳
地址：北角英皇道665號北角海逸酒店2樓
立即預訂：酒店自助餐
6月全新主題「蠔」歎龍蝦．長腳蟹．燕窩自助晚餐綠怡咖啡廳近期推出6月全新主題「蠔」歎龍蝦．長腳蟹．燕窩自助晚餐，無限量供應即開生蠔、時令凍海鮮包括長腳蟹、藍青口、海蝦及凍蜆、多款刺身及各式壽司、燒豬仔骨伴燒烤汁、紅酒燴牛肉及麻辣海螺等，而父親節期間，每位爸爸仲可以免費任飲精選紅白餐酒，有酒又有蠔，爸爸實滿意！

10. 父親節餐廳推介 – 酒店自助餐：港威酒店 Three On Canton
地址：尖沙咀廣東道13號海港城港威酒店3樓
立即預訂：酒店自助餐
港威酒店 Three On Canton提供自助午餐、自助晚餐和週末下午茶自助餐，總有一個時段適合與爸爸父親節聚會。不如就試吓同爸爸嚟一個打卡下午茶啦！下午茶自助餐提供多款滋味美食，包括海鮮冷盤、日式刺身壽司、即製麵食及中西式美饌及多款Haagen-Dazs雪糕。

閱讀全文

瀏覽 A&M Diary網頁