0
0
【本地遊】深度遊心靈一天團 香港宗教多元之旅

【本地遊】深度遊心靈一天團 香港宗教多元之旅

【A&M Diary】香港係一個宗教自由嘅地方,加上曾經為英國嘅殖民地,所以歷史上有唔少宗教團體都會植根香港,再面向中國;加上多元種族同文化背景,香港有超過三百萬人信奉唔同宗教。為咗了解更多有關香港嘅少數教派故事,我哋就參加咗Hong Kong Free Tours舉辦嘅香港宗教多元之旅一天團,走訪四間較少人認識嘅宗教:伊斯蘭教、印度教、耶穌基督後期聖徒教會(摩門教)同錫克教,深入宗教場所了解佢哋嘅故事,係一個充滿深度嘅旅行團呀!

行程
1.0:尖沙咀九龍公園集合->九龍清真寺和伊斯蘭中心->灣仔耶穌基督後期聖徒教會->跑馬地印度教寺廟
2.0:玩完行程1.0之後,我哋決定參加埋2.0版,深度了解錫克教(詳情)

提提你
1. 行程中會參觀唔少宗教場所,為咗尊重場合,請唔好著背心、吊帶、短裙、短褲、拖鞋、透視或緊身服裝
2. 所有宗教場所都係一個莊嚴嘅地方,遊覽時保持聲浪,保持應有嘅尊重,唔好騷擾信徒嘅崇拜活動
3. 尊重自己,尊重宗教

九龍清真寺和伊斯蘭中心
尖沙咀港鐵站A出口嘅九龍清真寺,行過路過就多,唔知入面係點嘅呢?伊斯蘭教係世界三大宗教之一,喺香港就有30萬伊斯蘭教嘅信徒,總共有6間清真寺,而全港最大嘅清真寺就係九龍清真寺和伊斯蘭中心(全港歷史最悠久嘅清真寺:綠色清真寺 半山些利街清真寺)。雖然九龍清真寺話係全港最大,但如果你有去過其他伊斯蘭國家參觀清真寺嘅話,香港呢開清真寺確實係蚊髀同牛髀。不過,入到去卻會有另一番感覺,繁忙嘅尖沙咀竟然會有一個咁寧靜嘅地方,形成強烈對比。清真寺入面非常解潔,信徒都會朝向住西面麥加嘅方向祈禱。由於我哋參加旅行團,所以九龍清真寺嘅負責人會向我哋示範信徒嘅祈禱方法,同解答我哋嘅提問,例如:點解男仔同女仔祈禱時要分開?點解一日要祈禱咁多次?不過我就唔喺呢度解釋喇,留俾你哋親身體會啦!

耶穌基督後期聖徒教會
耶穌基督後期聖徒教會嘅經文叫《摩爾門經》,所以佢哋嘅教派又被稱為摩門教。真心一句,耶穌基督後期聖徒教會嘅形象喺香港都幾負面,所以今日入嚟佢哋位於灣仔嘅教堂都有好多想法。原來耶穌基督後期聖徒教會嘅總部位於美國猶他州鹽湖城,雖然係一個相對年青嘅教會,但信徒就有超過1500萬人;雖然經常被稱為異端教會,但佢哋嘅家庭觀念好重;雖然佢哋有好多信條,但佢哋都係導人向善。喺呢個耶穌基督後期聖徒教會嘅行程,我哋就參觀咗佢哋灣仔大樓嘅課室、教堂,仲有唔少信徒解答我哋嘅提問,例如:佢哋傳教兩年嘅生活係點嘅呢?點解會相信呢個宗教?同樣地,我哋就唔喺呢度解釋喇,留俾你哋親身體會啦!

印度教寺廟
香港有唔少印度人,但印度廟就唔多。印度教被稱為世界上最古老教派,同中國嘅道教一樣,佢哋信奉嘅神好多。今日嚟到位於跑馬地嘅印度教寺廟,入到去寺廟內,會有三間小屋,供奉毗濕奴神、拉喜米等神明。呢間印度廟除咗祈禱之外,信徒仲可以冥想、參加靈修講座、練習瑜伽,以及訂婚、結婚同殯殮等儀式。我哋入廟前要先除鞋,印度廟嘅負責人更加會示範信徒嘅祈禱方法,同解答我哋嘅提問,例如:印度教嘅團拜時間?印度教嘅經文?臨走前,教會仲為我哋準備咗啲小食同飲品,更凸顯印度人嘅熱情添!

  1. 更多
  1. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    1小時前
  2. 拜登與奧巴馬、克林頓同場 為競逐連任籌得逾二億港元
    拜登與奧巴馬、克林頓同場 為競逐連任籌得逾二億港元
    31分鐘前
  3. 廣東省省長王偉中:有信心今年經濟增長5% 有條件發展新質生產力
    廣東省省長王偉中:有信心今年經濟增長5% 有條件發展新質生產力
    35分鐘前
  4. 印尼總統當選人普拉博沃周日起訪華三天
    印尼總統當選人普拉博沃周日起訪華三天
    45分鐘前
  5. 中方堅決反對美方在科技領域對華封鎖限制
    中方堅決反對美方在科技領域對華封鎖限制
    47分鐘前
  6. 衛報歪曲鄧炳強言論 保安局致函反駁報道
    衛報歪曲鄧炳強言論 保安局致函反駁報道
    49分鐘前
  7. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    51分鐘前
  8. 中國足協原副主席李毓毅受賄案認罪 擇期宣判
    中國足協原副主席李毓毅受賄案認罪 擇期宣判
    1小時前
  9. 多間急症室早上需輪候逾8小時 醫管局籲輕症者使用私營服務
    多間急症室早上需輪候逾8小時 醫管局籲輕症者使用私營服務
    1小時前
  10. 哈佛大學圖書館拆走「人皮書」書皮
    哈佛大學圖書館拆走「人皮書」書皮
    2小時前