0
0
【領養日】主人移民慘被遺棄 香港拯救貓狗協會12.19帶十隻狗狗尋家

【領養日】主人移民慘被遺棄 香港拯救貓狗協會12.19帶十隻狗狗尋家

12月19日搭港鐵、巴士同電車都免費,咁難得可以全日任搭免費車,當然要出街行下啦,咁啱香港拯救貓狗協會(HKSCDA)就喺當日舉辦狗狗領養日,歡迎大家嚟同狗狗見面。

HKSCDA 今個星期日(19日)將會喺荃景青年空間舉辦領養日,到時會帶十隻狗狗同大家見面,當有部分係因為主人移民而棄養。就算你未準備好養寵物,都一樣可以去探下狗狗,同佢哋玩下相處一下,等佢哋重新感受被愛嘅溫暖。

Photo / HKSCDA

如果無時間去領養日嘅朋友,都可以留意 HKSCDA 網店,佢哋所得嘅利潤會全數用於拯救貓狗,由即日起至19日,買滿$800或以上仲會隨機送出日本(冷凍製法魚肉乾粒)貓狗小食。

以下就同大家介紹領養日十位主角:

1. 台仔|6歲|男|適合新手家庭

曾被狗隻咬傷耳仔,傷口潰爛更滿佈烏蠅蟲,但堅強樂觀嘅佢經治療後已完全康復,而且仲超級親人,成日都「四萬咁口」擺出招牌側頭動作!

堅強嘅台仔(Photo / HKSCDA)
睇下台仔幾英氣~(Photo / HKSCDA)

2. Aero|1歲|女|適合新手家庭
今年八月喺高速公路旁邊被發現,識守規矩又禮讓,好快就融入狗群,仲好嗲人會主動親近你!

超靚嘅一歲Aero(Photo / HKSCDA)
快啲嚟帶Aero返屋企啦(Photo / HKSCDA)

3. 莊子|3歲|女|適合新手家庭
本來屈居喺拳館樓梯底,要間中有學生帶佢出街,先有機會接觸外界⋯⋯拳館結業之後更慘被拋棄,不過佢仍然渴望被愛,好需要人嘅陪伴,令佢感到安心自在!

不見天日嘅莊子⋯⋯(Photo / HKSCDA)
(Photo / HKSCDA)
求陪伴、求關愛(Photo / HKSCDA)

4. Lily|1歲|女|純種瑪蓮萊|有飼養經驗者優先
雖然佢身型高佻優美,而且雙眼炯炯有神,但卻慘被兩度遺棄,先係被要移民嘅主人掉低,之後更因為太親人唔識看門口而再度被棄。Lily 活潑好動、精力充沛、忠心耿耿,絕對唔應該被當為看門狗,值得一個好嘅主人寵愛。

高挺身材非常「殺食」!(Photo / HKSCDA)
慘被兩度棄養!(Photo / HKSCDA)
(Photo / HKSCDA)

5. Lulu|4歲|女|適合新手家庭
又一隻因為移民被棄嘅狗狗,初到協會嗰陣更因為想返去主人身邊,不停用鼻嘗試頂開閘門,搞到個鼻損晒⋯⋯其實佢相當叻女,一般嘅 Sit、Hand 指令難佢唔到,仲會主動挨近你!

又一隻因主人移民被棄⋯⋯(Photo / HKSCDA)
(Photo / HKSCDA)
識聽指令,非常精叻(Photo / HKSCDA)

6. 松子|2歲|女|有養狗經驗家庭優先
三個月時被領養,可惜兩年後被遺棄,之後仲鬱鬱不歡,無晒食慾,無晒動力,好似清楚知道自己已被嫌棄咁。而家佢對住相熟嘅義工會主動討玩,仲好鍾意玩玩具添!

細個時成隻熊仔咁(Photo / HKSCDA)
大個咗竟然被突然遺棄!(Photo / HKSCDA)

7. Chopper|3歲|女|適合新手家庭
初被發現時耳仔受感染,生滿蛆蟲,好在有義工救助及時醫治,而家已經好返晒喇!Chopper 性格比較文靜,又夠醒目,從來唔會發嬲或者亂吠。

文靜嘅Chopper其實超可愛(Photo / HKSCDA)
成日都好似掛住笑容咁(Photo / HKSCDA)

8. 珍寶豬|2歲|女|馬史提夫混唐狗|有養狗經驗家庭優先

活潑好動,精力充沛,天性善良,聰敏受教。

珍寶豬係馬史提夫混唐狗(Photo / HKSCDA)

9. Leia|1歲|女|適合新手家庭

鍾意去街街探索世界嘅 Leia,遇到其他狗狗會主動去玩,對小朋友都好友善㗎!而且佢仲好愛乾淨,喺屋企去完便便會自己包起張尿墊,去完街仲試過自己入浴室等沖涼!

自己入去等沖涼,乖到爆(Photo / HKSCDA)
(Photo / HKSCDA)

10. 家朗|2歲|男|適合新手家庭

好罕見嘅細身唐唐!原本家朗一直陪住伯伯,可惜之後伯伯被送去老人院,就再無人照顧⋯⋯雖然佢細細粒,不過成日都自信滿滿,仲好為食,相信有主人悉心教導,一定會好快學識唔少指令!

叫得家朗唔一定有193cm,我就係細身唐唐!(Photo / HKSCDA)
(Photo / HKSCDA)

「領養不棄養」
如果想養寵物,比起去寵物店買,領養絕對係更好嘅選擇。你可以同狗狗有更多嘅接觸,去狗舍或者領養日同佢哋相處,了解佢哋嘅性格、習慣同故事,再決定接佢哋返屋企,一齊締造更多珍貴嘅回憶,改寫佢哋一生。

  1. 更多
  1. 博鰲連日跟政商界代表交流 陳國基︰無人提及23條立法
    博鰲連日跟政商界代表交流 陳國基︰無人提及23條立法
    1小時前
  2. 台灣民宿老闆不滿政策 赴台北數位發展部大樓開3槍破壞大門
    台灣民宿老闆不滿政策 赴台北數位發展部大樓開3槍破壞大門
    45分鐘前
  3. 葉劉淑儀批評陳百里「數白欖」、無新措施提升香港優勢
    葉劉淑儀批評陳百里「數白欖」、無新措施提升香港優勢
    51分鐘前
  4. 中國明天起終止對澳洲進口葡萄酒徵收反傾銷稅和反補貼稅
    中國明天起終止對澳洲進口葡萄酒徵收反傾銷稅和反補貼稅
    1小時前
  5. 保安局譴責林希聖未調撥資金給正生書院 禁毒處撥逾百萬應急
    保安局譴責林希聖未調撥資金給正生書院 禁毒處撥逾百萬應急
    1小時前
  6. 多艘國際郵輪抵港 楊潤雄:相信能為零售業等帶來幫助
    多艘國際郵輪抵港 楊潤雄:相信能為零售業等帶來幫助
    1小時前
  7. 國際桌球明星挑戰賽被指安排混亂 楊潤雄:希望主辦方日後改進
    國際桌球明星挑戰賽被指安排混亂 楊潤雄:希望主辦方日後改進
    1小時前
  8. 【環球薈報】泰晤士河含菌量超標影響劍橋牛津划艇賽惹關注
    【環球薈報】泰晤士河含菌量超標影響劍橋牛津划艇賽惹關注
    2小時前
  9. 【環球薈報】電影《鐵達尼號》女主角救命木板以近72萬美元賣出
    【環球薈報】電影《鐵達尼號》女主角救命木板以近72萬美元賣出
    2小時前
  10. 南韓駐華大使鄭在浩被指控職場霸凌
    南韓駐華大使鄭在浩被指控職場霸凌
    2小時前