【A&M Diary】踏入12月就係一連串放假嘅大日子，當然要盡情玩啦，其中一個A姐大力推介嘅假期節目就係《人生照相館》喇！話說年初嘅《人生照相館》大獲好評，有多個韓式夢幻設計佈置，勁多打卡位，深受少女同阿豬媽嘅喜愛架！所以主辨單位推出《人生照相館II》，以色彩療癒為主題，仲設有寵物通行證，可以帶埋毛孩去打卡，加上每個場景都配合影樓式專業打燈，真係話咁易就影到打卡相啦！
人生照相館
人生照呢三個字喺韓國早已流行，意思係人生中最靚、最值得紀念嘅照片。所以「人生照相館」深受當地人歡迎，甚至有海外遊客專登飛去韓國朝聖添！人生照相館強調自助式攝影空間概念，等大家喺毫無壓力之下，就可以自由擺出甫士，加上結合韓國藝術文化、韓系夢幻環境設計同香港獨有嘅主題佈置，配合影樓式專業打燈，就算攝影技術麻麻，都好容易幫另一半影到靚相啦！
人生照相館II – Colour Therapy
嚟到人生照相館II – Colour Therapy，就以色彩豐富及夢幻感為主題，大玩少女風之餘，仲有唔少顛覆視覺嘅型格場景！今次嘅活動規模雖然比年初時為細，但都有20個打卡場景，除咗保留上次嘅經典熱門場景之外，仲有多個全新引入嘅佈置，鍾意打卡嘅絕對唔可以錯過呀！
升級享受：參觀時間
喺年初嘅人生照相館，有唔少粉絲反映參觀時間唔夠，所以主辨單位特意將《人生照相館II – Colour Therapy》之每節時間加長至150分鐘，部份日子更加長至180分鐘，真係可以無壓力下喺唔同角度慢慢打卡啦！
升級享受：寵物通行證
除咗幫少女同阿豬媽打卡，今次嘅《人生照相館II – Colour Therapy》更推出寵物同行時段，咁大家就可以帶埋毛孩一齊嚟打卡影相留念啦！場內更特設毛孩韓服以及飾物俾大家即場租借（愛寵韓服租借限體重 20kg 以下的愛寵使用），拍下與毛孩嘅美好回憶同成長片段。
