【A&M Diary】A姐有一本打卡攻略，將好多香港打卡熱門地點bookmark，到我哋weekend嘅時候，佢就會攞住本秘笈叫我車佢去玩。今日佢就話想去荃灣嘅千本鳥居，我真係聞所未聞，但原來呢度就係成日都會路過嘅海安路橙色隔音隧道，只要透過男朋友嘅攝影技術，輕易就影到日本嘅感覺啦！
提提你
唔好行出馬路影相，注意安全。
海安路
其實呢個所謂嘅鳥居，只係為咗減低荃灣西一帶車輛所造成嘅嘈音而建嘅隔音屏障。佢嘅位置喺麗城花園及荃灣西約體育館，靠近海旁一帶嘅馬路。旁邊嘅海濱長廊一直都深受荃灣西居民喜歡，至於呢個赤橙色隧道，因為極似伏見稻荷千本鳥居，所以成為打卡熱點。
