0
0
〈好遊〉全新人造沙灘 大埔龍尾泳灘

〈好遊〉全新人造沙灘 大埔龍尾泳灘

【A&M Diary】耗資約2億元,首個由政府興建嘅人工沙灘,位於大埔大尾督嘅龍尾泳灘,終於喺爭議聲中對外開放!沙灘全長約200米,背靠八仙嶺,面對吐露港,旁邊就係大美督同船灣淡水湖,環境真係幾靚!加上沙灘嘅設施齊全,除咗深得泳客喜歡,亦吸引咗海膽同水母(其實係人類出現咗喺佢哋居住嘅地方)。

前往方法
1. 自駕遊:設有70個私家車泊位,平日每半小時為HK$5,至於周末同假日則每半小時HK$20(真係好貴呀)!嫌貴嘅可以揸前少少,睇吓大美督咪錶有無位
2. 單車:好多人都鍾意踩單車入大尾督,所以呢度亦設有100個免費單車停泊位
3. 巴士:大埔墟港鐵站乘搭75K巴士,喺蘆慈田或龍尾村站落車
4. 小巴:大埔墟港鐵站乘搭20C小巴,喺蘆慈田或龍尾村站落車

龍尾泥灘
前身為龍尾泥灘嘅龍尾泳灘,曾經錄得超過400種海洋物種,係香港其中一個生態集中地。所以喺工程展開時,曾惹起極大嘅保育爭議。直至我哋嚟沙灘之前嘅一星期,更因為退潮而出現大量海膽同水母,除咗令唔少泳客受傷,更令沙灘嘅生態保育問題再次成為焦點!另外,沙灘兩邊設有百米長嘅護沙堤,堤外就係原有嘅紅樹林,更顯得沙灘格格不入!

龍尾泳灘
因為海膽同水母嘅出現(其實係人類出現咗喺佢哋居住嘅泥灘),所以沙灘設有唔少警告牌同廣播,提醒大家安全;而救護站亦設有急救用品,協助受海膽同水母刺傷嘅泳客。

龍尾泳灘係大埔區內第一個,亦係唯一一個沙灘,鋪設約5.5萬立方米嘅天然沙粒,行嘅時候發現沙粒尚算幼滑。至於根據環保署自1月以嚟做咗16次嘅水質測試,結果顯示水質維持喺最高等級(即為「良好」),我哋就咁用眼睇,發覺水質都算唔錯。

沙灘嘅設施亦包括:小食亭、露天茶座、淋浴室、更衣室、防鯊網、洗手間同瞭望塔等。

  1. 更多
  1. 煥然懿居第三座售出近七成單位
    煥然懿居第三座售出近七成單位
    2小時前
  2. 《讓子彈飛》原著作者馬識途病逝 享年110歲
    《讓子彈飛》原著作者馬識途病逝 享年110歲
    52分鐘前
  3. 英王查理斯三世發表錄音講話 強調艱難時刻互相扶持重要性
    英王查理斯三世發表錄音講話 強調艱難時刻互相扶持重要性
    53分鐘前
  4. 曼谷機場網絡故障 香港快運兩班機延遲起飛
    曼谷機場網絡故障 香港快運兩班機延遲起飛
    1小時前
  5. 哈薩克總統︰期待習近平7月國事訪問
    哈薩克總統︰期待習近平7月國事訪問
    1小時前
  6. 王仁華、肖天亮獲中央軍委晉升為上將
    王仁華、肖天亮獲中央軍委晉升為上將
    1小時前
  7. 國足原主教練李鐵涉貪案一審 李鐵認罪悔罪法庭擇期宣判
    國足原主教練李鐵涉貪案一審 李鐵認罪悔罪法庭擇期宣判
    1小時前
  8. 小米首款電動車「SU7」標準版售價約22萬人民幣
    小米首款電動車「SU7」標準版售價約22萬人民幣
    2小時前
  9. 首爾巴士司機就加薪同資方達成共識 結束約半天的罷工
    首爾巴士司機就加薪同資方達成共識 結束約半天的罷工
    2小時前
  10. 東九文化中心三色花海亮燈 吸引市民觀賞
    東九文化中心三色花海亮燈 吸引市民觀賞
    2小時前