0

0

0

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

2021年7月3日 11:00

A and M Diary

[香港Staycation] 24小時食住玩兼有維港景打卡平玩宜必思香港中上環酒店

【A&M Diary】以前去旅行，budget唔多，宜必思品牌絕對係一個唔錯嘅選擇！返到嚟香港嘅宜必思香港中上環酒店，除咗保持宜必思品牌一貫嘅水準，呢度仲附設無敵維港海景，加上呢個Staycation Package已包早餐、晚餐同房間mini bar，仲要住足24小時，性價比真係超晒班！瞓飽飽嘅我哋，黑眼圈仲細咗添呀！

[香港Staycation] 24小時食住玩兼有維港景打卡平玩宜必思香港中上環酒店

酒店大堂

宜必思香港中上環酒店位於上環，距離上環港鐵站大概10分鐘步程。呢個24小時海景客房住宿套票雖然已包早、晚餐，但酒店附近就有超級市場同唔少食店，夜晚買宵夜返房食或補給日用品都好方便！

酒店大堂位於五樓，一開lift門就係貫徹宜必思酒店代表嘅橙紅色，非常shape醒！大堂樓底雖然唔高，但窗戶夠多，透過天然光同户外景色，增加空間感。喺checkin過程，職員仲會詳細講解我哋今次staycation套票所包嘅每一個項目，同安排早、晚餐之時間，夠晒細心。

喺reception嘅旁邊，仲有一個微波爐同電腦工作室，相信係方便喺酒店內長期住宿嘅住客。

[香港Staycation] 24小時食住玩兼有維港景打卡平玩宜必思香港中上環酒店

客房區域

酒店樓高32層，提供550間客房，而我哋今次入住嘅係位於31樓嘅海景客房。

一打開房門，背囊同行李都未放低，就被窗外嘅風景深深吸引住！風景以對岸嘅西九文化區同環球貿易廣場為主，天氣好嘅時候，仲可以睇到尖沙咀鐘樓同文化中心，只係呢個日、夜景，已經值回票價。

[香港Staycation] 24小時食住玩兼有維港景打卡平玩宜必思香港中上環酒店

房間面積雖然唔大，但樓底算高，唔會有壓迫感覺，加上窗外廣闊嘅風景，反而大大增加空間感呢！房間同樣以橙紅色為主色調，加上木系衣櫃同書枱，貫徹宜必思酒店嘅設計風格。

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

呢度睡床係Queen size，床上放有2個枕頭，喺衣櫃內亦有一個備用枕頭。床褥適中偏硬，如有需要，可以致電房務部加添額外嘅床墊。至於床單同被鋪都非常柔軟，加上窗簾嘅遮光度十足，完全可以瞓到自然醒呀！

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

另外，床嘅兩邊都有床頭櫃，方便擺放個人物品，例如眼鏡同手提電話。其中一邊設有充電插頭，不過就未見有USB充電位，所以記住帶埋插頭嚟充電喇！

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

書枱嘅位置夠晒長，面對住無敵海景，絕對係一個文昌位啦！至於書枱旁邊嘅衣櫃，除咗夾萬，仲有雪櫃。房間Mini bar提供2支免費蒸餾水、茶包、三合一咖啡、薯片同汽水。呢度除咗免費電視頻道，仲有唔少衛星頻道選擇。呢個package已經包埋Mini bar，可以睇住電視劇嘆零食啦！

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

浴室區域

作為經濟型嘅酒店，個人用品除咗提供拖鞋，浴室內亦放有風筒、牙膏、牙刷、番梘同酒店自家嘅三合一沐浴露洗頭水，如果驚用唔慣就記住自行準備喇！另外，如有需要，亦可致電Housekeeping，以借用熨斗、燙衫板及索取浴帽、剃鬚刀、針線包、衛生袋同梳等個人物品。

[香港Staycation] 24小時食住玩兼有維港景打卡平玩宜必思香港中上環酒店

[香港Staycation] 24小時食住玩兼有維港景打卡平玩宜必思香港中上環酒店

瀏覽 A&M Diary網頁

更多