0
0
〈好食〉主打粟米忌廉湯 土瓜灣一冰廳

〈好食〉主打粟米忌廉湯 土瓜灣一冰廳

【A&M Diary】近期M佬見到唔同傳媒報導,推介呢間位於土瓜灣嘅一冰廳,主打每日以新鮮粟米即磨嘅粟米忌廉湯底,佢就帶咗我嚟試試喇!唔知係唔係有太多媒體報導,所以等位嘅人數都唔少,但餐廳整體嘅安排同員工嘅工作態度就麻麻。雖然嚟食茶餐廳唔係追求酒店級嘅服務,但漏單同送錯餐嘅問題持續發生,咁唔知味道又點呢?

等位嘅時候,以下係真實場景:
食客A:2位,唔該。
門口姐姐:哦……
隔咗一陣……
食客A:點解人哋有飛仔,我無嘅?
門口姐姐:我以為你唔等囉!

入到餐廳嘅時候,以下係真實場景:
1. 餐廳啲位係極窄,而張枱又唔大張,雖然係疫情緩和期,不過由於人數太多,餐廳都安排搭枱。(唔係太大問題,我哋都體諒同接受安排。)
2. 侍應姐姐A:有無人叫咗炒蛋,係唔係你哋呀?(如是者,呢份炒蛋就遊走咗好多張枱,喺疫情期間,真係唔太衞生)
3. 侍應姐姐B將碗通粉放低之後,我哋就攞嚟影相,再用匙羹舀起,突然間,佢行返嚟,將碗通粉攞走,話係隔離枱!(我哋話我哋食過喇,最後佢先無拎去隔離枱)
4. 而我哋另一份西煎雙蛋配厚多士就等咗20分鐘,明明見到遲過我哋嘅食客都有西煎雙蛋配厚多士。(但佢哋就等咗好耐碗通粉,而同我哋搭枱嘅食客亦等咗好耐炒蛋)⋯⋯希望啲嘢食好味啦!

粟米忌廉湯午餐肉通粉
湯底標榜每日以新鮮粟米即磨,不含味精同麵粉,我哋當日2點嚟到,唔知係咪真係人太多,溝咗水呢?個粟米忌廉湯嘅味道比較淡,但尚算杰身,午餐肉就大概有8-9粒。

沙嗲肥牛一丁
呢碗出前一丁好硬!不過,沙嗲肥牛好濃郁,加番唔少分。

  1. 更多
  1. 【長假首日】港珠澳大橋搭金巴排三小時 羅湖落馬洲人頭湧湧
    【長假首日】港珠澳大橋搭金巴排三小時 羅湖落馬洲人頭湧湧
    1小時前
  2. 外交部駐港公署及保安局反駁外媒有關國安條例的文章
    外交部駐港公署及保安局反駁外媒有關國安條例的文章
    18分鐘前
  3. 東涌裕泰苑電飯煲起火三人送院 四隻貓搶救後不治
    東涌裕泰苑電飯煲起火三人送院 四隻貓搶救後不治
    1小時前
  4. 台北素食餐廳中毒案 有八宗個案驗出米酵菌酸
    台北素食餐廳中毒案 有八宗個案驗出米酵菌酸
    1小時前
  5. 南韓首都圈快鐵GTX部分路段明天通車
    南韓首都圈快鐵GTX部分路段明天通車
    1小時前
  6. 【現場報道】復活長假多個口岸逼滿離境人潮 有市民見人多折返
    【現場報道】復活長假多個口岸逼滿離境人潮 有市民見人多折返
    1小時前
  7. 台北素食餐廳中毒案 第二名死者亦驗出米酵菌酸
    台北素食餐廳中毒案 第二名死者亦驗出米酵菌酸
    2小時前
  8. 尖沙咀有商場推無消費免費泊車五小時吸客
    尖沙咀有商場推無消費免費泊車五小時吸客
    2小時前
  9. 兒子捲召妓醜聞 台防長邱國正請辭獲挽留
    兒子捲召妓醜聞 台防長邱國正請辭獲挽留
    2小時前
  10. 長假遠行 機場高鐵站逼滿人
    長假遠行 機場高鐵站逼滿人
    2小時前