【A&M Diary】今次嚟到紅磡嘅逸酒店玩Staycation，無論日租定月租都得，我哋住過之後，發覺房間都有唔少細心驚喜位。而酒店除咗劏房價歎月租酒店之外，住客同非住客亦可以嚟到酒店內嘅Moreish & Malt，以茶餐廳價歎酒店自助早餐！早餐分為3個時段，不過部份時段已一早爆滿，想食嘅就記住提前預約。自助早餐提供超過15款任食美食，自製All Day Breakfast絕無難度！
自助早餐
價錢雖然夠晒平，但食物選擇一啲都唔少，仲可以無限添飲咖啡、茶同果汁，CP值夠晒高！
英式全日早餐
如果想自製All Day Breakfast，呢度有茄汁豆、腸仔、煙肉、炒蛋，加埋塊多士，就perfect啦！
歐陸式早餐
好耐無去歐洲旅行，想歎番個歐陸式早餐，呢度有牛角包、朱古力酥、粟米片、麵包同果jam。
地道港式茶記
如果想食茶記早餐，除咗腸仔同煙肉，仲有煎蛋，配埋一碗火腿米，就係一份港式早餐啦！
中式點心
如果想食中式點心，呢度都有白粥、炒麵、蝦餃同燒賣，夠晒豐富。
