【裝修佬】裝修係一個大Project,由搵公司、度尺、報價、揀料⋯⋯都係一個又一個繁複嘅步驟,小啲心力都唔得!今次就提提大家搞裝修時唔好中以下嘅伏啦!
1/ 預算
大家記得預算要做得徹底!裝修項目,由櫃嘅飾面、鋁窗鎖、以至電器品牌,樣樣都可以升級。唔做預算,好易虎頭蛇尾,花多咗錢於前期項目。
2/ 報價
一家要細閱報價單項目。例如報價單寫「全屋換喉」,你以為包晒?少年!你太年輕啦,其實仲要顧及室外喉管。如果水錶於天台,附加費甚至可以高達十萬蚊!如果無比較條款,有爭拗上嚟,就法律都幫唔到你啦!
3/ 揀料
揀料前要有先見之明。大部分師傅會陪同客人順次序揀料,但極少裝修公司會提你一早睇定窗簾先決定電位、冷氣位等重要細節!如果可以預先留意到,就可以令整個裝修效果更和諧!