0
0
〈獨的酸言〉女仔難估過馬仔-專家Dickson

〈獨的酸言〉女仔難估過馬仔-專家Dickson

【now.com生活】除非你有吳彥祖嘅樣貌,又或者蔡加讚嘅身家,如果唔係,喺一般情況下,你遇到幾男同時追一女嘅機率,必定比幾女同時追你嘅機率高。

出現呢個極不Fair嘅狀況,或多或少同女仔喺愛情路上大多被動有關,即係話,當你以為「無人親近我,無人爭奪我」嘅時候,其實可能(縱使係1%)有女仔暗戀緊你,只不過佢哋冇衝動到向你表白,又或者係啲暗示唔夠明顯,又或者係啲暗示非常明顯,但你戇居居Get唔到。

男仔向女仔表達愛意嘅方法,雖然各有不同,但就算幾唔明顯,都是很易看穿的,而其中一個較為大路嘅準則,就係對異性態度嘅好或壞,同佢與該異性嘅關係不相符,即係佢同該異性本身唔多熟,但卻對人異常地好,或者異常地差,前者以為「落力為你好」得L到分數,後者則非常相信「不是冤家不聚頭」。無論點,只要該異性唔自欺欺人,唔將呢堆「好」當成「朋友嘅好」,通常都會發現男仔嘅愛意。

反而女仔若然鍾意一個男仔,究竟會點樣暗示呢?呢層我確係唔太清楚。我試過從電視劇嘅情節搵答案,亦曾經以為女仔同男仔一樣,鍾意一個人會對佢特別好,又或者特登同佢鬥嘴,引佢注意,結果到表白嘅時候,對方都會嚇一跳,先係回應︰「我估唔到你會鍾意我。」繼而補一句︰「對唔住,我唔知會令你誤會。」

在下雖然唔敢自稱為名偵探柯南,但估嘢亦有返兩度散手,偏偏次次估錯女孩子嘅心意,落得撞到頭破血流嘅下場,只能慨嘆一句︰「女仔難估過馬仔。」

文:專家Dickson
(小弟毛記電視專家Dickson,至今追女仍然食塵。見到女神自覺好襯,幻想世界感覺好親,點知佢話我有病要求診,搞到我傷心要把情史……痛陳。同道中人聽完打冷震,覺得好Pure又好真,自此執筆去行文,篇篇酸爆篇篇甘。)
FB:https://www.facebook.com/expertdickson
〈獨的酸言〉逢周一刊登

專欄屬作者個人意見,不代表本網立場

  1. 更多
  1. 博鰲連日跟政商界代表交流 陳國基:無人提及23條立法
    博鰲連日跟政商界代表交流 陳國基:無人提及23條立法
    56分鐘前
  2. 日本未來一年將分七輪排放核污水
    日本未來一年將分七輪排放核污水
    18分鐘前
  3. 台灣疑現首宗服用含小林製藥紅麴原料後腎衰竭個案
    台灣疑現首宗服用含小林製藥紅麴原料後腎衰竭個案
    20分鐘前
  4. 警方展開大型反黑行動拘捕82人
    警方展開大型反黑行動拘捕82人
    20分鐘前
  5. 天文台與世界氣象組織簽署更新諒解備忘錄加強合作
    天文台與世界氣象組織簽署更新諒解備忘錄加強合作
    22分鐘前
  6. 科考船「探索一號」完成中國印尼聯合科考任務 發現多個深淵新物種
    科考船「探索一號」完成中國印尼聯合科考任務 發現多個深淵新物種
    28分鐘前
  7. 商務說中國就美國電動車補貼訴諸世貿是正當之舉
    商務說中國就美國電動車補貼訴諸世貿是正當之舉
    34分鐘前
  8. 在內地擁有物業 公屋戶獲發遷出通知書
    在內地擁有物業 公屋戶獲發遷出通知書
    34分鐘前
  9. 中國終止對澳洲進口葡萄酒徵關稅 商務部:中澳妥善解決彼此關切
    中國終止對澳洲進口葡萄酒徵關稅 商務部:中澳妥善解決彼此關切
    49分鐘前
  10. 【黎智英國安案】李宇軒:曾與裴倫德討論推翻中共 並推動反港區國安法聯署
    【黎智英國安案】李宇軒:曾與裴倫德討論推翻中共 並推動反港區國安法聯署
    1小時前