0
0
〈不是庸材〉同工不同酬-庸材

〈不是庸材〉同工不同酬-庸材

【now.com生活】我一直覺得公平呢兩個字,真係好重要。

細個讀書,小息俾同學搶咗自己嘅零食,上前同人哋理論,點知老師乜都唔理,行埋嚟就兩個人一齊罰企;出嚟社會做事,遇上一啲縮骨算死草咩都唔做嘅同事,佢自己做錯嘢屈你,想上前理論,上司就話自己同同事工作唔和諧,破壞辦公室團結嘅氣氛而收警告信。

悲劇。

呢個世界冇公平,特別係職場上面,冇料扮四條嘅人只要哄得掂老闆就可以平步青雲,腳踏實地擔屎唔偷死嘅人就只能夠繼續腳踏實地,默默耕耘咁做人。

公平?

打工仔好簡單,但求準時返工放工,每個月準時出糧兼有年尾花紅,唔係每個人都想上位想搞辦公室政治,更多嘅人只希望普普通通咁做人,選擇Work Life Balance去享受自己嘅人生,以為自己憚到喺辦公室裡面可以乜都唔理,偏偏老闆最鍾意嘅就係挑戰打工仔嘅底線。

我明白去到管理層,唔同學歷經驗背景,能力唔同人工亦都會唔同,我只係唔明白點解去到前線位置,做同一樣嘅嘢,承擔相同嘅責任同工作,人工點解都會有唔同。

相同職位,喺公司做得耐啲所以人工高啲。我同意。
相同職位,喺公司做咗一段時間,依據工作能力調整唔同薪酬。我亦都同意。

我唔同意嘅係,相同學歷工作經驗背景,點解老闆請人,新入職嘅人人工一定比舊同事多,舊同事想大幅加薪,卻因公司制度僵化而被迫跳槽去搵一份更高薪金嘅工。好多老闆都會忽略公司同事,覺得出面請返嚟嘅人見識多啲遠啲,而忽略咗舊同事先係最能夠發揮職位能力嘅人。

可能我太過膚淺,唔能夠用老闆嘅思維去思考佢哋請人嘅諗法,我只單純覺得同工不同酬對打工仔嚟講,係一種絕對嘅忽視同唔尊重。

唔好問我點解辭職;
唔好問我點解對公司冇歸屬感。

講咁多廢話……

加人工啦!

文:庸材
(八十後物業經理,網絡小說作家,喜歡平庸,更喜歡當塵世間迷途小書僮)
FB: https://www.facebook.com/yungchoi2012
〈不是庸材〉每隔周四刊登

專欄屬作者個人意見,不代表本網立場

  1. 更多
  1. 北韓重申無意舉行朝日領導人峰會
    北韓重申無意舉行朝日領導人峰會
    11分鐘前
  2. 【長假首日】港珠澳大橋搭金巴排三小時 羅湖落馬洲人頭湧湧
    【長假首日】港珠澳大橋搭金巴排三小時 羅湖落馬洲人頭湧湧
    22分鐘前
  3. 美國巴爾的摩斷橋事故 東岸最大起重機抵達現場準備清理
    美國巴爾的摩斷橋事故 東岸最大起重機抵達現場準備清理
    1小時前
  4. 【杏林在線】過敏及脫敏
    【杏林在線】過敏及脫敏
    1小時前
  5. 中央政治局會議指要建立整改問責機制
    中央政治局會議指要建立整改問責機制
    2小時前
  6. 台北素食餐廳中毒案 當局確定事件由米酵菌酸引致
    台北素食餐廳中毒案 當局確定事件由米酵菌酸引致
    2小時前
  7. 南韓駐華大使鄭在浩涉職場欺凌 取消例行記者會
    南韓駐華大使鄭在浩涉職場欺凌 取消例行記者會
    2小時前
  8. 運輸署指周六仍是出行高峰 呼籲旅客避開早上繁忙時段
    運輸署指周六仍是出行高峰 呼籲旅客避開早上繁忙時段
    2小時前
  9. 外交部駐港公署及保安局反駁外媒有關國安條例的文章
    外交部駐港公署及保安局反駁外媒有關國安條例的文章
    3小時前
  10. 東涌裕泰苑電飯煲起火三人送院 四隻貓搶救後不治
    東涌裕泰苑電飯煲起火三人送院 四隻貓搶救後不治
    3小時前