【now.com】假日除了懶懶閒Hea足一日之外,唔少人都會趁機執一執屋。唔知鞋嘅數量有沒有令大家好頭痛呢?唔同衫可以摺埋,鞋都幾佔空間,成為不少人的煩惱。英國設計師Edoardo就研發了Shooz,一對分體式鞋,換一換面就可以變成不同款,大大減少大家買鞋的必要。
Shooz由可分拆的鞋面(Skin)和鞋底(Sole)組成,中間以拉鏈連接。鞋面可以疊起收藏,所以無論買幾多種款式,收納所需空間都非常之少。截至目前為至,有五款鞋底,而鞋面則有26款,任大家發揮創意、按需要mix and match。無論係上下晝換look,定係出外旅行都一樣方便。
Shooz的網上集資一早已完,更原定今夏發貨,但因為韓國廠商臨時放棄合作,差少少令Shooz泡湯。而Edoardo繼續找尋合作伙伴時發現大陸有廠商一早開始「致敬式」生產並推出市面,Edoardo決定正式找對方成為正式製造商,Shooz九月會面世喇!
資料來源:Shooz