【Now新聞台】截至早上11點止，《彭博》Top Search No.1為中國海洋石油，第2至第5位為香港交易所、瑞聲科技、中國石油股份及中國平安。
中東地緣政治局勢緊張令油價飆升，喺亞洲時段，紐約期油曾見每桶64美元，布蘭特期油亦曾喺70美元樓上，石油相關股係咪可以受惠？
耀才證券研究部副經理譚智樂認為，油股短線有上升動力，主要因為板塊喺2019年比較弱勢，而年初起已經有資金開始追入落後股份。
Arnold又話，雖然中海油上年跑贏大市，但佢始終對石油產量同油價敏感度最高，加上國家能源政策希望可以減少對美國嘅依賴，估計公司會上調產量目標，認為短線目標價可以睇14元。
