【Now新聞台】中美貿易戰不斷升級，美國早前再向160億美元中國貨加徵25%關稅，當中包括唔少電子產品，好多人擔心蘋果公司嘅iPhone遲早遭殃。
原來中國舊年出口去美國嘅iPhone有6100萬部，佔中美貿易逆差157億美元，即整體嘅4%至5%，不過，由於iPhone嘅零件來自唔同國家，中國出口iPhone其實賺唔夠7億美元。
有研究機構話，以環球供應鏈計算嘅貿易逆差總額370億美元，當中三分之二，甚至四分之三係高估咗，反映貿易逆差有唔少水分。
【數字你懂的】貿易逆差水分多？(上)
【數字你懂的】貿易逆差水分多？(上)
