抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為信義光能、碧桂園服務、華潤置地、紫金礦業及銀河娛樂。
光伏玻璃股普遍受壓，係因為行業增長步伐開始放緩，定係原材料成本上漲、供應鏈問題影響產能？信光短期守唔守得住今年低位，即12元水平？
耀才證券研究部經理譚智樂指，玻璃股捱打係因為製造成本，如油價、天然氣價等升唔停，又受制政策阻止轉用傳統燃料，令玻璃行業無法轉嫁成本，加上行業產能過剩，價格下跌、成本上升嘅情況下，令市場非常憂慮今年嘅業績表現，因此先行沽貨離場。
Arnold續指，玻璃股本身已跑輸大市，如果燃料成本高企、價格下行等因素一日未消退，建議投資者都唔好沾手玻璃股，佢建議信光有貨嘅投資者唔好期望股價守到12元水平，一接近低位就應該逐步減持，甚至定好止蝕。
