【Now新聞台】截至早上11時止，1小時内《彭博》用戶關注度上升最多港股，依次為中銀香港、融信中國、華潤電力、澳博控股、永利澳門。
中銀連續第2日上榜，同一隻股份，噚日係表現最差藍籌，今日就變成最強勢藍籌。高盛指，中銀及恒生係息口趨升下最受惠嘅本地銀行股，又話中銀吸引過恒生。中銀股價連續第2日企穩喺20天線樓上，今日仲收復埋10天線。
耀才證券研究部經理譚智樂指，銀行股嘅升跌好難解釋清楚，呢個板塊喺疫情下，如果經濟出現變化都好難獨善其身，可能會出現大上大落嘅情況。Arnold又話，中長線、成個加息周期咁睇，HIBOR會慢慢升上去，如果連活期存款都上升，如果比較中銀同恒生，佢認為...
