【Now新聞台】截至早上11點，1小時內《彭博》用戶關注度上升最多的港股，依次為中國海洋石油、萬洲國際、遠洋集團、廣汽集團及九毛九。
臨近中午，恒指升幅曾擴大至超過500點，今日上榜股份3升2跌，有得升嘅都有唔錯嘅升幅，跑贏大市。榜上嘅內地餐飲股九毛九被麥格理唱淡，目標價被削逾40%至23元。近排防疫明明嚴左，但點解今日升咁多呢？
耀才證券研究部經理譚智樂指，呢輪市況跌得越勁嘅股份反彈幅度就會越大，但今日升上嚟唔覺得係一啲轉勢訊號。短線嚟講，都會擔心餐飲股有過度擴張嘅狀況，可否擺脫危機，都要睇多一兩季業績。
