0
0
〈好食〉台灣直送火鍋吃到飽 尖沙咀牛品台式火鍋

〈好食〉台灣直送火鍋吃到飽 尖沙咀牛品台式火鍋

【A&M Diary】香港有唔少主打台式火鍋嘅餐廳,選擇好多唔知點揀好?近期我哋就推介呢間位於尖沙咀樂道,任飲任食吃到飽嘅牛品台式火鍋。牛品台式火鍋由屢獲殊榮嘅台灣廚師李龍翔師傅主理,湯料每日由台灣新鮮直送,讓大家輕鬆品嚐至新鮮嘅台式原味道!另一賣點係牛品台式火鍋提供多種台式小食,滿足好耐無去台灣嘅各位呀!牛品台式火鍋以牛肉等級分為多種唔同嘅吃到飽任飲任食放題套餐,我哋今日就揀咗主打澳洲M9和牛肩胛肉嘅牛御品吃到飽套餐。呢個牛御品吃到飽套餐有超過60款台灣高質食材,絕對能夠滿足一眾大胃王!

湯底
牛品台式火鍋提供10款精選湯底:牛品一品鍋、牛品秘製麻辣鍋、沙茶海鮮鍋、黑蒜黃金鍋、剝皮辣椒雞鍋、花菇昆布鍋、蕃茄濃湯鍋同酸菜白肉鍋等。而我哋就揀咗元氣養生鍋同柴魚昆布鍋,呢兩款湯底都非常足料,特別令我哋驚喜嘅係柴魚昆布鍋,因為平時喺日式火鍋店食嘅昆布鍋都係偏淡,但牛品台式火鍋嘅柴魚昆布鍋真係好濃郁,打邊爐前細味湯底,真係好鮮甜好有層次。

M9和牛丸
如果order牛御品吃到飽套餐就會送每位兩粒,咁就代表呢個M9和牛丸夠晒矜貴!同樣地,佢係唔會令你失望。M9和牛丸超彈牙,一咬落去,係會爆汁架,所以夠晒juicy,好好味!

澳洲M9和牛肩胛肉
請放心!牛品台式火鍋嘅澳洲M9和牛肩胛肉雖然每碟得兩塊,但絕對無出現漏單,而且每一碟都保持同樣質素,油脂比例平均,肉味濃郁,非常好味!

牛舌片
打邊爐我哋最鍾意就係食牛舌,因為牛舌有口感,但又唔會過韌,係另一款我哋推介嘅encore之選。

西班牙栗飼豬梅肉
平時打邊爐,相信大家都會瘋狂encore牛肉,但呢度嘅豬肉都絕對唔可以錯過。西班牙栗飼豬梅肉嘅肉味超濃,油香十足,但一啲都唔油膩。

海鮮
套餐提供三款任食嘅海鮮,包括:青口、蝦同蜆。我哋強烈推介蜆呀,超鮮甜,而且蜆肉大大隻,肉身漲卜卜!另外,蝦都非常鮮甜彈牙。

水蓮菜
我係第一次食水蓮菜,原來係咁好味架!水蓮係台灣美濃地區嘅特產,外觀長長幼幼,好似麵條咁,色澤翠綠,口感清甜爽脆,味道帶有淡淡嘅蓮花香氣,絕對係我哋今日encore list入面老是常出現嘅食物呀!

自取食物區
除咗order嘅食物,喺自取區亦有多種台灣直送嘅食材,例如:甜不辣條、凍豆腐、花枝丸、芋頭貢丸同多款水餃等。其中大甲崧化芋頭就最值得推介!大甲崧化芋頭非常鬆化,入口軟綿,芋頭味香濃!

台式小食
以台灣菜為主打,又點少得台式小食呢?如果你鍾意食台灣嘢嘅話,呢度除咗鹽酥雞、台灣腸、炸地瓜丸之外,仲有我哋最鍾意嘅麻辣鴨血、牛品牛三寶等多款小食。每款小食嘅份量都唔會好多,可以試完再揀鍾意嘅慢慢encore。

飲品
餐廳除咗汽水之外,當然唔少得台式嘅罐裝同包裝飲品啦!但最開心係可以叫埋春陽茶事嘅檸檬蜜烏龍、冬瓜茶、烏梅汁同珍珠鮮奶茶,真係夠晒滿足。

  1. 更多
  1. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    6小時前
  2. 美國巴爾的摩斷橋事故 東岸最大起重機抵達現場準備清理
    美國巴爾的摩斷橋事故 東岸最大起重機抵達現場準備清理
    30分鐘前
  3. 【杏林在線】過敏及脫敏
    【杏林在線】過敏及脫敏
    1小時前
  4. 中央政治局會議指要建立整改問責機制
    中央政治局會議指要建立整改問責機制
    1小時前
  5. 台北素食餐廳中毒案 當局確定事件由米酵菌酸引致
    台北素食餐廳中毒案 當局確定事件由米酵菌酸引致
    1小時前
  6. 南韓駐華大使鄭在浩涉職場欺凌 取消例行記者會
    南韓駐華大使鄭在浩涉職場欺凌 取消例行記者會
    1小時前
  7. 運輸署指周六仍是出行高峰 呼籲旅客避開早上繁忙時段
    運輸署指周六仍是出行高峰 呼籲旅客避開早上繁忙時段
    1小時前
  8. 外交部駐港公署及保安局反駁外媒有關國安條例的文章
    外交部駐港公署及保安局反駁外媒有關國安條例的文章
    2小時前
  9. 東涌裕泰苑電飯煲起火三人送院 四隻貓搶救後不治
    東涌裕泰苑電飯煲起火三人送院 四隻貓搶救後不治
    3小時前
  10. 台北素食餐廳中毒案 有八宗個案驗出米酵菌酸
    台北素食餐廳中毒案 有八宗個案驗出米酵菌酸
    3小時前